Author
Monica Mathias, Moodubelleಶಿಕಯ್ಲೆಂ ಅಮ್ಕಾಂ ಕೊರೊನಾನ್ ಜಿಯೆಂವ್ಕ್ ವರ್ಚುವಲ್ ಲೈಫ್
ಜೇಂವ್ಕ್ ಘರ್ಚೆಂ ರುಚಿಕ್ ರಾಂದಾಪ್, ಸಾಸ್ತಾಂ ರೆಸ್ಟೋರೆಂಟ್, ಫೋರ್ಕ್ ಅನಿಂ ನೈಫ್,
ನಾತ್ವಾನ್ ಶಿಕಯ್ಲೆಂ ವಡ್ಲಿಮಾಂಯ್ಕ್ ವಾಪಾರುಂಕ್ ಸ್ಕಾಯ್ಪ್
ಘರಾ ಥಾವ್ನ್ ಕಾಮ್ ಕರ್ನ್ ಚಡಿತ್ ವೇಳ್ ಸಾಂಗಾತಾ ಖರ್ಚಿತಾತ್ ಹಸ್ಬೆಂಡ್ ಅನಿಂ ವೈಫ್.
ಕಂಪ್ಯೂಟರಾರ್ ಖುರ್ಸಾವಾಟ್, ಪಾಸ್ಕಾಂಚೆ ಮೀಸ್ ಸಂಭ್ರಮ್ಲೆಂ ಟಿವಿರ್.
ಮರಿಯೆಕ್ ಫುಲಾಂ ಹೊಗೊಳ್ಸಿಲಿಂ ಮೊಬಾಯ್ಲಾರ್,
ಮೊಂತಿ ಫೆಸ್ತಾಕ್ ಕುಟ್ಮಾ ಸಂಗಿಂ ಜೆವ್ಲ್ಯಾಂವ್ ಝೂಮಾರ್
ಸಾಂಗಾತಾ ಮೆಳೊನ್ ಥ್ಯಾಂಕ್ಸ್ ಗಿವಿಂಗ್ ದಿಲೆಂ ಗೂಗಲ್ ಮೀಟಾರ್.
ಲಿಪ್ ಸ್ಟಿಕ್ ನಾಸ್ತಾಂ ಭಾಯ್ರ್ ವಚಾನಾತ್ಲೆಂ ಮಜೆಂ ಬಾಯ್, ಭೊಂವ್ತಾ ಅತಾಂ ಮಾಸ್ಕ್ ಘಾಲ್ನ್
ಹಾತ್ ಧುಂವ್ಕ್ ಪರಾತ್ತಿಜೆ ಅಸ್ಲೊ ಮಜೊ ಭಾವ್ ಧುತಾ ಹಾತ್ ಸಾಬು ಘಾಲ್ನ್,
ಉಲಯ್ತಾನಾ ಅಂಗಾರ್ ಪಡ್ಚೆಂ ಮಜೆಂ ಇಶ್ಟಿಣ್ ಉಲಯ್ತಾ ಮೈಲಾ ಪಯ್ಸ್ ರಾವೊನ್
ಕುಜ್ನಾ ಭಿತರ್ ರಿಗಾನಾತ್ಲೊ ಮಜೊ ಪಪ್ಪಾ ರಾಂದ್ತಾ ರುಚಿಕ್ ರಾಂದಾಪ್ ಅಳೆನ್ ವಾಟುನ್.
ಲಿಪೊನ್ ಅಸ್ಲಿಂ ಸಭಾರ್ ತಾಲೆಂತಾಂ ಲೋಕ್ ಡಾವ್ನಾಂತ್ ಉಜ್ವಾಡಾಕ್ ಆಯ್ಲಿಂ
ಸಿಂಗಿಂಗ್, ಡ್ಯಾನ್ಸಿಂಗ್, ಕುಕ್ಕಿಂಗ್ ಕರ್ನ್ ಸೊಶಿಯಲ್ ಮಿಡಿಯಾಚೆರ್ ನಾಂವಾಡ್ಲಿಂ,
ಟೀನೆಜರಾಂ ಟಿಕ್ ಟಾಕಾರ್ ನಾಚ್ತಾನಾ ದಾಕ್ತೆರ್ ನರ್ಸಾಂ ಆಸ್ಪತ್ರೆಕ್ ಧಾಂವ್ಲಿಂ
ದೀಸ್ ರಾತ್ ಕೊರೊನಾ ಪಿಡೇಸ್ತಾಂಚಿ ಚಾಕ್ರಿ ಕೆಲ್ಲ್ಯಾಕ್ ಶಾಭಾಸ್ಕಿ ಪಾಟಂವ್ಕ್ ಬಡಯ್ಲಿ ವಾಟ್ಲಿ.
ಇಸ್ಕೊಲಾಂ, ಮೀಟಿಂಗಾ, ಕೊನ್ಫರೆನ್ಸಾಂ, ಅನಿಂ ಗ್ರಾಜುವೇಶನಾಂ ಸಯ್ತ್ ವರ್ಚುವಲ್
ಕೊರೊನಾ ಸಂಗಿಂ ಜಿಯೆಂವ್ಕ್ ಶಿಕ್ಲ್ಯಾಂವ್ ಜಿಣಿಂ ಅಮಿಂ ನ್ಯಾಚುರಲ್,
ಎಕಾಮೆಕಾಕ್ ಸಾಂಗಾತ್ ದೀವ್ನ್ ಮೋಗಾಕ್ ಕರ್ಯಾಂ ವೈರಲ್
ಪರ್ನೆಂ ವರಸ್ ಸಭಾರ್ ಲಿಸಾಂವಾ ಶಿಕವ್ನ್ ಸಂಪ್ಲೆಂ ಭರ್ವಶ್ಯಾಚೆಂ ನವೆಂ ವರಸ್ ಜಾಂವ್ದಿ ಸ್ಪೆಶಲ್.
ಮೊನಿಕಾ ಮತಾಯಸ್ ಮೂಡುಬೆಳ್ಳೆ.
Sylvia Dsilva
Wow. Beautiful poem. Keep it up dear. Stay blessed.
Reply
Naveen Kulshekar
Virtual kovita bhori ani orthabhorit ason mon mhojem kuxi zalem!👍 Monicabaek porbhim
Reply
Felcy Lobo
Monica Bai, beautiful poem. Corona effect poetry.
Reply