Author
Felcy Lobo, Derebailಘರಾಂಚ್ಯಾ ಕುಡಾಂನಿ ಜಯ್ಲಾ
ಭಿತರ್ಲ್ಯಾ ಮೊನೆಪಣಾಕ್
ಲಜೆಕ್ ಘಾಲಾಂ.
ಮನಾ ಮನಾಂನಿ ಸವಾಲಾಂಚಿಂ
ಜಾಳಾಂ ವಿಣುನ್ ಆಸಾತ್
ರಾಕ್ಸಾಕಾಸ್ತಾಚಿಂ ಲ್ಹಾರಾಂ.
ಕಾಳ್ಜಾಂತ್‍ಯ್ ದರ್ಯಾಂತ್‍ಯ್
ತಡಿ ಉಡೊನ್ ಆಕ್ಲಾಸಾಂಚೆ
ಮಿಟಾಖಣ್ ಆರಾವ್ನ್
ಉಸ್ವಾಸಾಚೆರ್ ಧಾಡ್ ಘಾಲುಂಕ್
ಲಾಗ್ಲ್ಯಾಂತ್, ಕಾಂಯ್ ಕೊಣಾಗೆರ್
ಸವಾಲಾಂಚ್ಯಾ ಜಾಳಾರ್ ವಿಶ್ವಾಸ್
ತುಟೊನ್ ಬುರಾಕ್ ಪಡ್ಲ್ಯಾತ್.
ರಚ್ಣೆಚ್ಯಾ ವಾವ್ರಾಂತ್ ಫುಂಕ್ಲಲೊ
ಉಸ್ವಾಸ್, ವಿದ್ವಿಚ್ಯಾ ಪುತಾಕ್,
ಕುಸ್ ಲ್ಲ್ಯಾ ಲಾಜರಾಕ್,
ಖಟ್ಲ್ಯಾರ್ ಥಂಡ್ ಪಡ್ಲೆಲ್ಯಾ
ಚಲ್ಯೆಕ್ ಆನಿ ಭಿಯಾಂನ್
ಲಿಪ್ಲೆಲ್ಯಾ ಶಿಸಾಂಕ್ ಪಾವ್ ಲ್ಲೊ
ಹಾಚೆಂ ಮೋಲ್ ಸಮ್ಜೊಂಕ್
ನಮಿಯಾರ್ಲೆಲೆ ದೀಸ್ ಹೆ
ಅರಣ್ಯಾಂತ್ಲೆ, ಹಾಂಗಾ ಮೊಡಿಂ
ಖಟ್ಲಿಂ, ಒಕ್ಸಿಜನ್ ಸಿಲಿಂಡರಾಂ,
ಸಿರಿಂಜಾಂ ಆನಿ ಜಾತ್ ಧರ್ಮಾಚೆಯ್
ವಾದ್ ಧುಂವೊರ್ ಜಾವ್ನ್
ಸರ್ಗಾಕ್ ಲಕೊನ್ ಆಸಾತ್.
ಬೊಂಬ್, ಮಿಸ್ಸಾಯ್ಲಾಂ, ಬಂದುಕ್ಯೊ
ಮಾತಿ ಖಾತಾನಾ
ಸುವಿಯಾಂನಿ ಝುಜ್ ಸುರ್ವಾತ್ಲಾಂ
ನಾಡ್ ಪಾರ್ಕುಂಚ್ಯಾ ಶಾಂತ್
ಕುಡಾಂನಿ, ಉಸ್ವಾಸ್ ವ್ಹಾವಂಚ್ಯಾ
ನಳಿಯಾಂ ಸಂಗಿಂ
ಮರ್ಣಾ ದುತಾನ್ ಉಸಯ್ಲೆಲ್ಯಾ
ಪಾಕಾಟ್ಯಾಂ ಪಂದಾ
ದುಬ್ಳ್ಯಾಚ್ಯಾ ಅನಾಥಾಚ್ಯಾ
ಘರಾಂತ್ಲ್ಯಾ ರುದಾನ್ ಆನಿ
ಕಿಂಕ್ರಾಟೆಂಕ್ ಸವಾಲಾಂ ಜಾಳ್
ಪಿಂಜುಂಕ್ ಲಾಗ್ಲಾಂ.
ಜಾಳಾ ಪೋಂತ್ ವೊಡ್ತಲ್ಯಾ
ಪಾಗಿಚ್ಯಾ ಹಾತಾಂ ಸ್ಪರ್ಶಾಕ್
ತಾನೆಲ್ಲೆ ಆತ್ಮೆ ಉಭೊನ್ ಚ್ ಆಸಾತ್
ಆಪಾಪ್ಲೊ ವೇಳ್ ಎತಾನಾ
ಹರ್ ಸವಾಲಾಂಚಿ ಜಾಪ್
ಆಶೆವ್ನ್..... ತಾಳೊ ಸುಕೊನ್....
ಫೆಲ್ಸಿ ಲೋಬೊ. ದೆರೆಬಯ್ಲ್.
Dr Gerald Pinto
Good and timely poem. Congrats.
Reply
Renita dcosta
Very nice felcy mam.Its a joy to read your poetry keep writing we are waiting for your new poetry.All the best
Reply