Author
Wilfred Alva, Boliyeಫುಲೊವ್ನ್ ಪಾಕಾಟೆ,
ಉಬೊನ್ ಊಂಚ್ ಆಕಾಸಾಚೆರ್,
ಬಸೊನ್ ರುಕಾಚ್ಯಾ ಫಾಂಟ್ಯಾರ್,
ಸಪ್ಣೆತೆಲ್ಯೊ ಜೊಡಿ ಗಿರ್ಬುಜ್ಯೊ,
ಚಿಂತುನ್ ಫುಡಾರ್, ಬಾಂಧುಂಕ್ ಭಿಡಾರ್,
ಅಪ್ಲೆಂ ಸೊಭಿತ್ ಸಪ್ಣಾಚೆಂ ರಾವ್ಳೆರ್..
ಫಾಂತ್ಯಾಫರಾರ್ ಉಟೊನ್,
ಚಿಲಿಪಿಲಿ ಕರುನ್, ದೆವಾಕ್ ಹರ್ಸುನ್,
ಸುರ್ವಾತ್ ಕರ್ತೆಲಿಂ ನವ್ಯಾ ದಿಸಾಕ್..
ತರ್ನೆಂ ಸುಕೆಂ ತಣ್ ಆರಾವ್ನ್,
ಹಾತ್ ನಾತುಲ್ಲ್ಯಾ ಬೊಂಚೆನ್ ವೊಳುನ್,
ಮನ್ಶ್ಯಾಂಕ್ ಬಾಂದುಂಕ್ ಜಾಯ್ನಾ
ತಸಲ್ಲೆಂ ಘೊಂಟೆರ್ ಬಾಂದುನ್..
ತಾಂತ್ಯಾಂ ದವರ್ನ್, ಪಿಲಾಂ ಕಾಡುನ್
ಸೊಬ್ಲೆಂ ಏಕ್ ಆದರ್ಶ್ ಕುಟಾಮ್ ಜಾವ್ನ್..
ಕಿಡೊ, ಧಾನಿ ಆನಿ ಕಣಸ್ ವಿಂಚುನ್,
ಅಪ್ಲೆಂ ಪೋಟ್ ಭರುನ್, ಭುರ್ಗ್ಯಾಂಕ್ ಖಾವವ್ನ್
ರಾಕಣ್ ಕರ್ತೆಲಿಂ ಬಾಯ್ರ್ ತಿಳುನ್,
ಚುಕೊಂಕ್ ಅಪಾಯ್ ಗೊಣಿ ಆನಿ ಕಾವ್ಳ್ಯಾ ಥಾವ್ನ್..
ವಾಡ್ಲ್ಯಾ ಪಿಲಾಂಕ್ ಉಬ್ಚಿ ಆಶಾ,
ಉಡ್ಲಿಂ ಪಕಾಟೆ ಫುಟೊನ್,
ಅಪಾಪ್ಲೊ ಫುಡಾರ್ ಚಿಂತುನ್,
ಏಕ್ ಪೀಲ್ ಸಾಂಪಡ್ಲೆಂ ಶಿಕಾರೆಚ್ಯಾ ಪಿಂಜ್ರ್ಯಾಂತ್,
ದುಸ್ರೆಂ ಸಾಂಪಡ್ಲೆಂ ಗೊಣಿಚ್ಯಾ ಭುಕೆಕ್,
ತಿಸ್ರೆಂ ಉಬೊನ್ ಗೆಲ್ಲೆಂ ಅಜೂನ್
ಪರತ್ ಯೇಂವ್ಕ್ ನಾಂ ಬಿಡಾರಾಕ್...
ಘೊಂಟೆರ್ ವಾರ್ಯಾ ಪಾವ್ಸಾಕ್ ಫುಡ್ ಕರುನ್,
ಭಿಜೊನ್, ಪರ್ನೆಂ ಪಡೊನ್, ಜಡೊನ್
ಜೊಡಿ ಗಿರ್ಬುಜ್ಯೊ ಜಾಲ್ಯಾತ್ ಆನಾಥ್
ಘೊಂಟೆರಾಚಿಂ ಸಪ್ಣಾಂ ಜಾಲ್ಯಾಂತ್ ಅಧೂರ್..
ಅಮಿಂ ಉರ್ಲ್ಯಾಂವ್ ಅಜೂನ್ ಅನಾಥ್ ಜಾವ್ನ್ !
ಮನಿಸ್ ಚಿಂತಾ ಅಮ್ಕಾಂಚ್ ಚಡ್ ಕಷ್ಟ್ ಮ್ಹಣ್ !!
ವಿಚ್ರಾನಾಕಾತ್ ಅಮಿಂಯ್ ದೆವಾಚಿ ಸ್ರಷ್ಟಿ ಮ್ಹಣ್ !!!
ವಿಲ್ಫ್ರೆಡ್ ಆಲ್ವ, ಬೊಳಿಯೆ.
Wilfred Alva
Thank you Dr. Flavia Castelino
Reply
Wilfred Alva
Thank you bro Wilfred D'almeida
Reply
Dr. Flavia Castelino
Beautiful write up. Apt to today's situation
Reply
wilfred almeida
I like it brother.
Reply