Author
Pramila Flaviaತುಮಿ ಗುಲೊಬ್- ಆರ್ಕಿಡ್ ಫುಲಾಂನೋ
ಚಡ್ ಉಡಾನಾಕಾತ್,
ಹಂಕಾರಾನ್ ಭರಾನಾಕಾತ್
ಆಯ್ಕಾ ಹಾಂಗಾ, ಮ್ಹಜೆಂಯ್ ಥೊಡೆಂ
ಚಿಂತಾತ್ ತುಮಿ ಅಪುಣ್‌ಚ್ ವ್ಹಡ್ ಮ್ಹಣ್,
ತುಮಿ ಪಳೆಂವ್ಕ್ ಮಾತ್ರ್ ಸೊಭಿತ್!
ಜಾಂವ್ಕ್ ಪುರೊ ತುಮಿ,
ಫುಲಾಂಚಿಂ ರಾಯ್-ರಾಣಿ!
ಚಡ್ ವೋತ್ ಆನಿ ಪಾವ್ಸ್
ಸೊಸುಂಕ್ ತುಮ್ಚ್ಯಾನ್ ಜಾಯ್ನಾ.
ಪಡ್ಲಾಂ ಹಾಂವ್,
ಧಸ್ಮಿ ಫುಲಾಂಚ್ಯಾ ಮೊಗಾರ್ !
ಸೊಭ್ತಾತ್ ತಿಂ ಗುಲೊಬಾಪರಿಂ
ರಂಗಾಂನಿ ಸಬಾರ್ ತರೀ,
ಕಿತೆಂಚ್ ವ್ಹಡ್ಪಣ್ ತಾಂಕಾಂ ನಾ!
ಆರ್ಕಿಡಾ ಪರಿಂ ಕಾಂಯ್ ಚಡ್,
ಸರ್ಬರಾಯೆಚಿ ಗರ್ಜ್‌ಯೀ ನಾ,
ಕರ್ಕಟ್ಯಾ ವೊತಾಚಿ ಪರ್ವಾ ನಾ!
ಶಿರಂಧಾರಿ ಪಾವ್ಸಾಚಿ ಖಂತ್‌ಯೀ ನಾ!
ಪಳೆ, ಧಸ್ಮಿಝಡ್
ಆಂಗ್ ಭರ್ ಫುಲಾಂನಿ ಸೊಭ್ತಾ.
ಕಸ್ತಳ್, ವೋತ್ ಯಾ ಪಾವ್ಸಾ ವಾದಾಳ್
ಫುಡ್ ಕರುನ್, ಆಪ್ಲೆಂ-ಪಣ್ ಪಾಚಾರುನ್,
ಧರ್ಣಿರ್ ಪಾಳಾಂ ರೊಂಬೊವ್ನ್
ಥಿರ್ ರಾವ್‌ಲ್ಲೆ ಶಿವಾಯ್
"ಸುವಾತ್" ತುಮ್ಚಿ ಜಾಂವ್ಚಿನಾ.
- ಪ್ರಮಿಳ ಫ್ಲಾವಿಯ, ಕಾರ್ಕಳ್.
Naveen Kulshekar
Bhov orthaborit utranim guntlea 👍👍🌹🌹
Reply
John Dsouza Adyar
ಆರ್ಥಾಭರಿತ್ ಕವನ್ ಮಾನೆಸ್ತಿನಿ ಉಲ್ಲಾಸ್ ತುಮ್ಕಾಂ
Reply
Felcy Lobo
Beautiful Poem
Reply
Vijay
Nice poem..
Reply