ಪ್ರೇಮ್ ಮೊರಾಸ್ ಹಾಂಕಾಂ ಕೊಂಕಣಿಂತ್ ಪಿಎಚ್.ಡಿ

ಪ್ರೇಮ್ ಮೊರಾಸಾಕ್ ಶ್ರೀನಿವಾಸ್ ವಿಶ್ವವಿದ್ಯಾಲಯಾನ್ “ಗೊಂಯಾಂ ಥಾವ್ನ್ ಮಂಗ್ಳೂರ್ ಆನಿ ತಾಚ್ಯಾ ಭೊಂವಾರಿ ಆಯಿಲ್ಲ್ಯಾ ಕೊಂಕಣಿ ಲೊಕಾಂಚೆಂ - ಏಕ್ ಅಧ್ಯಯನ್” ಹ್ಯಾ ಪ್ರಬಂಧಾ ಖಾತೀರ್ ತತ್ವಗಿನ್ಯಾನಾಚಿ ಡೊಕ್ಟರೆಟ್ (ಪಿಎಚ್.ಡಿ) ಪದ್ವಿ ದಿಲ್ಯಾ. ಡಾ. ಅರವಿಂದ್ ಶಾನಭಾಗ್ ಹಾಚ್ಯಾ ಮಾರ್ಗದರ್ಶನಾಖಾಲ್ ತಾಣೆಂ ಆಪ್ಲೆಂ ಡೊಕ್ಟರೆಟ್ ಸಂಶೊಧನ್ ಕೆಲೆಂ.

ಮಂಗಳೂರಾಂತ್ ವಸ್ತಿ ಕರ್ನ್ ಆಸ್ಚೊ ಡಾ। ಪ್ರೇಮ್ ಮೊರಾಸ್ ಪ್ರಸ್ತುತ್ ಮಂಗ್ಳೂರ್ ವಿಶ್ವವಿದ್ಯಾಲಯಾಚ್ಯಾ ವಿಶ್ವವಿದ್ಯಾಲಯ್ ಕೊಲೆಜ್, ಹಂಪನಕಟ್ಟಾ, ಮಂಗ್ಳೂರ್ ಹಾಂಗಾ ಪದ್ಯುತ್ತರ್ ಕೊಂಕ್ಣಿ ವಿಭಾಗಾಂತ್ ಅಧ್ಯಾಪಕ್ ಜಾವ್ನ್ ವಾವ್ರ್ ಕರ್ತಾ. ಕೊಂಕ್ಣಿ ಲೊಕಾಂಚ್ಯಾ ಗೊಂಯಾಂತ್ಲ್ಯಾನ್ ಮಂಗ್ಳುರು ಆನಿ ಭೊಂವಾರಿ ವಾಠಾರಾಂತ್ ಥಳಾಂತರಾಕ್ ಕಾರಣಾಂ ತಾಚ್ಯಾ ಪ್ರಬಂಧಾಚೊ ಮ್ಹತ್ವಾಚೊ ವಾಂಟೊ ಜಾವ್ನ್ ಆಸಾ. ನಾಮ್ನೆಚೊ ಕೊಂಕ್ಣಿ ಲೇಖಕ್ ದೆವಾದಿನ್ ಪಾವ್ಲ್ ಮೊರಾಸ್ ಆನಿ ಜ್ಯುಲಿಯೆಟ್ ಫರ್ನಾಂಡೀಸ್ ಹಾಂಚೊ ತೊ ಪೂತ್.

ಕೊಂಕ್ಣಿ ಮಳಾರ್ ತಾಚೆಂ ಸಮರ್ಪಣ್ ಆನಿ ಜಾಣ್ವಾಯೆಚಿ ತಾಂಚಿ ಶಿಕ್ಷಣೀಕ್ ಯಶಸ್ವಿ ಸಾಕ್ಸ್ ಜಾವ್ನ್ ಆಸಾ.

…………………..

Prem Moras hankam konkonnint PhD

Prem Morasak Srinivas University vixvovidealoyan “Goyam thaun Managllur ani tachea bhomvari ayil'lea Konkani lokanchem - ek odhyoin” hea probondha khatir totvogineanachi ddokttorett (PhD) podvi dilea. Dr Aravind Shanbhag hachea margodorxonakhal tannem aplem ddokttorett sonxodhon kelem.

Mongollurant vosti korn ascho Dr Prem Moras prostut mongllur vixvovidealoyachea vixvovidealoi kolez, Hampankata, mongllur hanga podyut'tor Konkani vibhagant odheapok zaun vaur korta. Konkani lokanchea gõyantlean monglluru ani bhomvari vattharant thollantorak karonnam tachea probondhacho mhotvacho vantto zaun asa. Namnecho konknni lekhok devadin Paul Moras ani Juliet Fernandes hancho to put.

Konknni mollar tachem somorponn ani zannvayechi tanchi xikxonnik yoxosvi saks zaun asa.

…………………..

प्रेम मोरास हांकां कोंकणिंत पिएच.डी

प्रेम मोरासाक श्रीनिवास विश्वविद्यालयान “गोंयां थावन मंगळूर आनी ताच्या भोंवारी आयिल्ल्या कोंकणी लोकांचें - एक अध्ययन” ह्या प्रबंधा खातीर तत्वगिन्यानाची डोकटरेट (पिएच.डी) पद्वी दिल्या. डा. अरविंद शानभाग हाच्या मार्गदर्शनाखाल ताणें आपलें डोकटरेट संशोधन केलें.

मंगळूरांत वसती कर्न आसचो डा।  प्रेम मोरास प्रसतूत मंगळूर विश्वविद्यालयाच्या विश्वविद्यालय कोलेज, हंपनकट्टा, मंगळूर हांगा पद्युत्तर कोंकणी विभागांत अध्यापक जावन वावर कर्ता. कोंकणी लोकांच्या गोंयांतल्यान मंगळुरू आनी भोंवारी वाठारांत थळांतराक कारणां ताच्या प्रबंधाचो म्हत्वाचो वांटो जावन आसा. नाम्नेचो कोंकणी लेखक देवादीन पावल मोरास आनी ज्युलियेट फर्नांडीस हांचो तो पूत.

कोंकणी मळार ताचें समर्पण आनी जाण्वायेची तांची शिक्षणीक यशस्वी साक्स जावन आसा.