ಹಾಂವ್ ಸೊಭಿತ್ ಫುಲ್

ಹಾಂವ್ ಸೊಭಿತ್ ಫುಲ್

ಫುಲ್ತಾಂ ಪಾಚ್ವ್ಯಾ ಝಡಾರ್

ವೊತ್, ಧಾವ್ ಲೆಕಿನಾ ಹಾಂವ್

ಕಿತ್ಯಾಕ್ ತಿಚ್ ಜಾವ್ನಾಸಾ ಮ್ಹಜಿ ಸಕತ್

ಹಾಂವ್ ಸೊಭಿತ್ ಫುಲ್

ಸೊಭ್ತಾಂ ಘರ್ಚ್ಯಾ ಹಿತ್ಲಾಂತ್

ಸೊಭಾಯ್ ಮ್ಹಜಿ ವಾಂಟ್ತಾಂ

ಮೆಜಾರ್ ಸೊಭ್ಚ್ಯಾ ವಾಜಾರ್

ಹಾಂವ್ ಸೊಭಿತ್ ಫುಲ್

ಸೊಭ್ತಾಂ  ಚಲಿಯೆಚ್ಯಾ ಕೆಸಾರ್

ವಿವಿಧ್ ರಂಗಾನ್ ಖೆಳ್ತಾಂ

ತಾಂಚ್ಯಾ ತ್ಯಾ ಪಾಂತಿಯೆರ್

ಹಾಂವ್ ಸೊಭಿತ್ ಫುಲ್

ಭೊಗ್ಣಾಂ ಮ್ಹಾಕಾ ನಾಂತ್ ತರೀ

ಮೋಗ್ ಕರ್ಣಾರಾಂಚ್ಯಾ

ಭೊಗ್ಣಾಂಕ್ ಜೀವ್ ಹಾಂವ್ ಭರ್ತಾಂ

ಹಾಂವ್ ಸೊಭಿತ್ ಫುಲ್

ಕಳಿತ್ ನಾಂ ಮ್ಹಾಕಾ ಸುಖ್ ದುಃಖ್, ತರೀ

ಸೊಭಾಣಾಂಚ್ಯಾ ಘರಾ ಹಾಸ್ತಾಂ

ಮರ್ಣಾಚ್ಯಾ ಘರಾ ರಡ್ತಾಂ

ವ್ಹಯ್ ಹಾಂವ್ ಸೊಭಿತ್ ಫುಲ್

ಸಕಾಳಿಂ ಫುಲ್ತಾಂ ಸಾಂಜೆರ್ ಬಾವ್ತಾಂ

ಮೋಗ್, ಖುಶಾಲ್ಕಾಯ್, ದುಃಖ್ ಸರ್ವ್

ಖಂತಿವಿಣೆಂ ವಾಂಟುನ್ ಘೆತಾಂ

ಸೀಮಾ ತಾಕೊಡೆ

……………

Hamv sobhit ful

Hamv sobhit ful

fultam pachvea zhoddar

vot, dhavo lekina hamv

kiteak tich zaunasa mhoji sokot

hamv sobhit ful

sobhtam ghorchea hitlant

sobhai mhoji vantt'tam

mezar sobhchea vazar

hamv sobhit ful

sobhtam  choliechea kesar

vividh rongan khelltam

tanchea tea pantier

hamv sobhit ful

bhognnam mhaka nant tori

mog kornnaranchea

bhognnank jivo hamv bhortam

hamv sobhit ful

kollit nam mhaka sukh duHkh, tori

sobhannanchea ghora hastam

mornnachea ghora roddtam

vhoi hamv sobhit ful

sokallim fultam sanjer bautam

mog, khuxalkai, duHkh sorv

khontivinnem vanttun ghetam

Seema Taccode

……………

हांव सोभीत फूल

हांव सोभीत फूल

फुल्तां पाचव्या झडार

वोत, धाव लेकिना हांव

कित्याक तीच जावनासा म्हजी सकत

हांव सोभीत फूल

सोभतां घर्च्या हितलांत

सोभाय म्हजी वांटतां

मेजार सोभच्या वाजार

हांव सोभीत फूल

सोभतां  चलियेच्या केसार

विवीध रंगान खेळतां

तांच्या त्या पांतियेर

हांव सोभीत फूल

भोगणां म्हाका नांत तरी

मोग कर्णारांच्या

भोगणांक जीव हांव भर्तां

हांव सोभीत फूल

कळीत नां म्हाका सूख दुःख, तरी

सोभाणांच्या घरा हासतां

मर्णाच्या घरा रडतां

व्हय हांव सोभीत फूल

सकाळीं फुल्तां सांजेर बावतां

मोग, खुशाल्काय, दुःख सर्व

खंतिविणें वांटून घेतां

सीमा ताकोडे