ದುಕಾಂ
ಪಾವ್ಸಾ ತುಂ
ಅಶೆಂಯೀ ಕಿತ್ಯಾಕ್
ನಳ್ಯಾಂಕ್ ಧೊಸ್ತಾಯ್?
ನಳ್ಯಾದೊಳ್ಯಾಂಚಿ ದುಕಾಂ ಪುಸುಂಕ್
ತೊಣ್ಕ್ಯಾ ದಿಗ್ಯಾನ್
ಸಸಾಯ್ ದಿಲ್ಯಾ
ಕುಡಾಂ ಕುಡಾಂ ಆಂಗಾಂತ್
ಭರ್ಲಾಂ ಹಿಂವ್
ಕಾಂಬ್ಳಿವಿಣೆಂ ಕಶೆಂ ರಾವುಂ?
ಉಜ್ಯಾಕಾಡಿಯೀ ಶೆಳಿನ್
ತಕ್ಲಿ ಉಕ್ಲುಂಕ್ ತಾಂಕಾನಾಸ್ತಾಂ
ಕೊನ್ಶ್ಯಾಂತ್‌ಚ್ ನಿದ್ಲ್ಯಾ
ನಳ್ಯಾದೊಳ್ಯಾಂತುಲಿಂ ದುಕಾಂ
ವೊಣ್ದಿಪೊಲ್ಯಾರ್
ಅಜೂನ್ ವ್ಹಾಳೊನ್ ಆಸಾತ್
ಹಾಕಾ ಆನಿ ಮ್ಹಾಕಾ
ಕಾಂಯ್ ನಾ ನಾತೆಂ ಮ್ಹಣ್
ಸಾತೆಂ ಚಲ್ತಚ್ ರಾವ್ಲಾಂ.
- ಪ್ರಮೀಳಾ ಫ್ಲಾವಿಯಾ, ಕಾರ್ಕಳ್.
Pramila Flavia ಲಿಖ್ಣೆ ನಾಂವಾನ್ ಬೊರೊಂವ್ಚಿ ಪ್ರಮಿಳ ಫ್ಲಾವಿಯಾ ರೆಂಜಾಲ್ ಜಲ್ಮಾಲ್ಲಿ ಆತ್ತೂರ್ ಕಾರ್ಕಳ್ ಹಾಂಗಾಸರ್. ಆತಾಂ ಆಪ್ಲ್ಯಾ ಕುಟ್ಮಾ ಸಂಗಿಂ ಕ್ರೈಸ್ಟ್ ಕಿಂಗ್ ಫಿರ್ಗಜ್, ಕಾರ್ಕಳ್ ಹಾಂಗಾ ವಸ್ತಿ ಕರುನ್ ಆಸಾ. ಆಪ್ಲೆಂ ನರ್ಸಿಂಗ್ ಶಿಕಾಪ್ ಸಂಪೊವ್ನ್ ಆತಾಂ ನರ್ಸ್ ಜಾವ್ನ್ ಆಪ್ಲಿ ಸೆವಾ ದಿತೆ ಆಸಾ. 2009 ವ್ಯಾ ವರ್ಸಾ ಥಾವ್ನ್ ಆಪ್ಲ್ಯಾ ಸಂದ್ರಾಪಾ ಪರ್ಮಾಣೆ ಬರೊಂವ್ಕ್ ಆರಂಭ್ ಕೆಲ್ಲ್ಯಾ ಪ್ರಮಿಳ ಫ್ಲಾವಿಯಾ ಹಿಣೆಂ ಎದೊಳ್ ಸಬಾರ್ ಕವಿತಾ ಬೊರಯ್ಲ್ಯಾತ್ ಆನಿ ಆತಾಂ ತಿಚಿಂ ಕವಿತಾ, ಚುಟುಕಾಂ "ಆಂಕ್ರಿ" ಜಾಳಿ ಜಾಗ್ಯಾರ್ ಸರಾಗ್ ವ್ಹಾಳೊನ್ ಆಸಾತ್. ********** Pramila Flavia likhnne namvan boromvchi Pramila Flavia, Renzal zolmal'li Attur Karkal hangasor. Atam aplea kuttma songim Christ King firgoz, Karkal hanga vosti korun asa. Aplem norsing xikap sompoun atam nors zaun apli seva dite asa. 2009 vea vorsa thaun aplea sondrapa pormanne borounko arombh kel'lea promillo flavia hinnem edoll sabaar kovita boroileat ani atam tichim kovita, chuttukam "ankri" zalli zagear sorag vhallon asat.
Author
Alphonse Mendonsa
Another classic poem by Pramila. Over the years she has proven herself as one of the best thinking poet.
Very meaningful poetry. Every time Pramila writes poetry it gives more weight to her talent.. Over the years she has come out as one of the best poet.. Her poetry has deep meanings And makes the reader to think n grasp the true meaning of her poetry.
Wishing her more success..
"Ujyachi kadi shelin nidlya"... Wonderful line.. Hats off Pramila..
Reply
Nanu Marol Thottam
ಕವಿ / ಕವಯಿತ್ರಿಂನಿ ಸರಾಗ್ ಬೊರೊವ್ನ್ ಆಸ್ಲ್ಯಾರ್ ಆನಿ ಭಾಯ್ಲೊ ಸಂಸಾರ್ ಭಾರ್ಕಾಯೆನ್ ತಜ್ವಿಜ್ ಕರುನ್ ಆಸ್ಲ್ಯಾರ್ ಕಿತ್ಲೆ ಸರ್ವ್ ಉತ್ತೀಮ್ ವಿಷಯ್ ಆಪ್ಲ್ಯಾ ಕವಿತಾಂ ಮುಕಾಂತ್ರ್ ಉಜ್ವಾಡಾಕ್ ಹಾಡ್ಯೆತ್ ಮುಣ್ಚ್ಯಾಕ್ ಪ್ರಮಿಳಾ ಫ್ಲಾವಿಯಾ ಕಾರ್ಕಳ್ ಹಿಚಿ ವ್ಹಯ್ಲಿ ಕವಿತಾ ದುಕಾಂ ಏಕ್ ಬೊರೆಂ ಉದಾಹರಣ್ ಜಾವ್ನಾಸಾ.
ತಿಚಿಂ ಆದ್ಲಿಂ ಕವಿತಾ ವಾಚುನ್, ಹೆಂ ಕವಿತಾ ವಾಚ್ತಾನಾ ಎಕ್ ವಿಶಯ್ ಸ್ಪಷ್ಟ್ ಕಳ್ತಾಕಿ ತಿಣೆಂ ಹ್ಯಾ ಕವಿತೆ ಪಾಟ್ಲ್ಯಾನ್ ಜಾಯ್ತೆಂ ಕಾಮ್ ಕೆಲಾಂ, ಜಾಣಾರ‍್ಯಾಂಚಿ ಸಲಹಾ ಘೆತ್ಲ್ಯಾ. ಆನಿ ಹೆಂಚ್ ಜಾಯ್ಜೆ ಆಮ್ಚ್ಯಾ ಕವಿ/ಕವಯಿತ್ರಿಂ ಥಾವ್ನ್. ಆಪ್ಣೆ ಬೊರಯಿಲ್ಲಿ ಕವಿತಾ ಶೀದಾ ಸಾಮಾಜಿಕ್ ಜಾಳಿಜಾಗ್ಯಾಂನಿ ಘಾಲ್ಚ್ಯಾಕೀ, ಆಸಲಿ ಏಕ್ ಪ್ರಕ್ರಿಯಾ ಕೆಲ್ಯಾರ್ ಆಸಲೆಂ ಫಲಿತಾಂಶ್ ಮೆಳ್ಚಿ ಸಾಧ್ಯತಾ ಖಂಡಿತ್ ಆಸಾ.
ಕವಿತೆಂತ್ಲ್ಯೊ ಥೊಡ್ಯೊ ವ್ಹೊಳಿ ಪರ್ತೆಕ್ ಪರ್ತೆಕ್ ವಾಚುಂಕ್ ಕರ್ತಾತ್ ಆನಿ ಹರ್ಯೆಕ್ ಪೌವ್ಟಿಂ ದುಸ್ರಿಂ ದುಸ್ರಿಂ ರುಪ್ಣಿಂ ಮುಕಾರ್ ಯೆತಾತ್. "ಅಶೆಂಯೀ ಕಿತ್ಯಾಕ್ ನಳ್ಯಾಂಕ್ ಧೊಸ್ತಾಯ್?", "ಉಜ್ಯಾಕಾಡಿಯೀ ಶೆಳಿನ್, ತಕ್ಲಿ ಉಕ್ಲುಂಕ್ ತಾಂಕಾನಾಸ್ತಾಂ, ಕೊನ್ಶ್ಯಾಂತ್‌ಚ್ ನಿದ್ಲ್ಯಾ" "ಹಾಕಾ ಆನಿ ಮ್ಹಾಕಾ ಕಾಂಯ್ ನಾ ನಾತೆಂ ಮ್ಹಣ್ ಸಾತೆಂ ಚಲ್ತಚ್ ರಾವ್ಲಾಂ." ಹ್ಯಾ ವೊಳಿಂನಿ ಕಾಂಯ್ ಪುಟಾಂಗಟ್ಲ್ಯಾಂಚೊ ಆರ್ಥ್ ಸೊಧುನ್ ಕಾಡ್ಯೆತ್.
ಆಸಲಿಂಚ್ ಪ್ರಯತ್ನಾಂ ಕವಯಿತ್ರಿ ಥಾವ್ನ್ ಮಾತ್ರ್ ನಂಯ್ ಆಸ್ತಾಂ ಹರ್ಯೆಕ್ ಕವಿ/ಕವಯಿತ್ರಿಂ ಥಾವ್ನ್ ಜಾಂವ್ದಿತ್ ಮುಣೊನ್ ಆಶೆತಾಂ.
- ನಾನು ಮರೋಲ್, ತೊಟ್ಟಾಮ್
Reply
Sharu Valencia
Beautiful poem.. keep up writing
Reply
ವಿಲ್ಲಿ ಅಲ್ಲಿಪಾದೆ
ಬೋವ್ ಅಪುರ್ಬಾಯೆಚಿ ಕವಿತಾ 👍🙏
Reply