ಬದ್ಲಾವಣ್

ಆಯಿಲ್ಲೆ ಅಸಾತ್

ಘೆವ್ನ್ ಮತಿಂತ್ ಬದ್ಲಾವಣ್

ಆಶ್ವಾಸನಾಂ ಧೈಯ್ರ್ ಪ್ರಜೆಕ್ ಫುಂಕ್ಯಾಕ್ ಪಾಸಾರುನ್

ಬದ್ಲಿತಾಂವ್ ಬದ್ಲಿತಾಂವ್ ಬದ್ಲಿತಾಂವ್ !

ಹಕ್ಕಾಂ‌ ಖಾತಿರ್ ಝುಜ್ತೆಲ್ಯಾಂಕ್ ನಕ್ಸಲ್ ಜಾವುನ್

ದೇಶಾಚ್ಯಾ ಮೊಗಾರ್ ಅಸ್ಲೆಲ್ಯಾಂಕ್ ದೇಶ್ ದ್ರೋಹಿ ಮ್ಹಣೊನ್

ದಲಿತಾಂ ಸವೆಂ ಅಸ್ಲೆಲ್ಯಾಂಕ್ ಜೈಲಾಚೆಂ ಖಾಣ್ ದಾಕವ್ನ್

ಸಾಗ್ವೊಳೆಗಾರಾಂಕ್ ಮಾರ್ಗಾರ್‌ಚ್ ಬಂಧಿ ಕರುನ್

ಬದ್ಲಿಲೆಂ,ಬದ್ಲಿಲೆಂ,ಬದ್ಲಿಲೆಂ !

ಗಾಂವ್ಚಿಂ ನಾಂವಾಂ ರೂಪಾಂತರ್ ಕರುನ್

ಗಾಯ್ ಖಾಂವ್ಚ್ಯಾ ಮನ್ಶ್ಯಾಂಕ್ ಪಿಸಾಂತುರ್ ಕರುನ್

ವೇಲ್ ಪಾಂಗ್ರೊಂಚ್ಯಾ ಸ್ತ್ರೀಯಾಂಕ್ ದುಸ್ಪಾಟಾವ್ನ್

ಮೊಗಾರ್ ಅಸ್ಚ್ಯಾ ಜಾತಿಂಕ್ ದ್ವೇಶಾನ್ ಭರುನ್

ಬದ್ಲಿಲೆಂ ಬದ್ಲಿಲೆಂ ಬದ್ಲಿಲೆಂ !

ಕಾಮ್ ನಾತ್ಲೆಲ್ಯಾಂಕ್ ಸಂಸ್ಕತಿಚೆ ರಕ್ಷಕ್ ಕರುನ್

ಗತ್ ನಾತ್ಲೆಲ್ಯಾಂಕ್ ಧರ್ಮ್ ಸಾಂಭಾಳ್ಣಾರ್ ಜಾವುನ್

ಮತ್ ನಾತ್ಲೆಲ್ಯಾಂಕ್ ರಾಜಕೀಯ್ ಬೆಳೆಂ ಶಿಜಂವ್ಕ್

ಥಿರ್ ನಾತ್ಲೆಲ್ಯಾಂಕ್ ಗೊರ್ವಾಂ ರಾಕ್ವಲಿ ಜಾವುನ್

ಬದ್ಲಿಲೆಂ ಬದ್ಲಿಲೆಂ ಬದ್ಲಿಲೆಂ !

ನಿರ್ಭಯ ಚಲಿಯೆಚೆಂ ರುದಾ‌ನ್ ಆಕಾಸಾಕ್ ತೆಂಕುನ್

ಖಾಣಾಂ ವೊರ್ವೆಚಿಂ ಮೊಲಾಂ ಮೊಳ್ಬಾಕ್ ಪಾವುನ್

ಭುಕೆಚಿಂ ಪೊಟಾಂ ಹುಲ್ಪೊಂವ್ಚಿಂ ಖೆಂಡಾ ಜಾವುನ್

ರೈತಾಂಚಿ ಭಾಟಾಂ ಕಾಂಕ್ರಿಟ್ ರಾನ್ ಕರುನ್

ಬದ್ಲಿಲೆಂ ಬದ್ಲಿಲೆಂ ಬದ್ಲಿಲೆಂ !

ದಿಕ್ಕ್ ದಿಶಾ ನಾತ್ಲಿ ಬದ್ಲಾವಣ್

ಹಾಂತುನ್ ಚ್ ಅಸಾಂವ್ ಆಮಿ ಲೊಳೊನ್

ಕೆದ್ನಾ ಯೇತ್ ಬದ್ಲಾವಣ್

ಅಜೂನ್ ಅಸಾಂವ್ ರಾಕೊನ್ !

ಬದ್ಲುಂಕ್ ಬದ್ಲುಂಕ್ ಬದ್ಲುಂಕ್...

-ಫ್ಲಾವಿಯಾ ಅಲ್ಬುಕರ್ಕ್ ಪುತ್ತೂರ್

……………………..

Bodlaunn

ayil'le osat

gheun motint bodlaunn

axvasonam dhoiyr projek funkeak pasarun

bodlitamv bodlitamv bodlitamv !

hokkam‌ khatir zhujteleank noksol zavun

dexachea mogar osleleank dex drohi mhonnon

dolitam sovem osleleank zoilachem khann dakoun

sagvollegarank margar‌ch bondhi korun

bodlilem,bodlilem,bodlilem !

gamvchim namvam rupantor korun

gai khamvchea monxeank pisantur korun

vel pangronchea striyank duspattaun

mogar oschea zatink dvexan bhorun

bodlilem bodlilem bodlilem !

kam' natleleank somskotiche rokxok korun

got natleleank dhorm' sambhallnnar zavun

mot natleleank razoki-i bellem xizounko

thir natleleank gorvam rakvoli zavun

bodlilem bodlilem bodlilem !

nirbhoi choliechem ruda‌n akasak tenkun

khannam vorvechim molam mollbak pavun

bhukechim pottam hulpomvchim khendda zavun

roitanchi bhattam kankritt ran korun

bodlilem bodlilem bodlilem !

dikk dixa natli bodlaunn

hantun ch osamv ami lollon

kedna yet bodlaunn

ozun osamv rakon !

bodlunk bodlunk bodlunk...

-Flavia Albuquerque, Puttur

……………………..

बदलावण

आयिल्ले असात

घेवन मतिंत बदलावण

आश्वासनां धैयर प्रजेक फुंक्याक पासारून

बदलितांव बदलितांव बदलितांव !

हक्कां‌ खातीर झुजतेल्यांक नक्सल जावून

देशाच्या मोगार असलेल्यांक देश द्रोही म्हणोन

दलितां सवें असलेल्यांक जैलाचें खाण दाकवन

साग्वोळेगारांक मार्गार‌च बंधी करून

बदलिलें,बदलिलें,बदलिलें !

गांवचीं नांवां रूपांतर करून

गाय खांवच्या मनश्यांक पिसांतूर करून

वेल पांग्रोंच्या स्त्रीयांक दुस्पाटावन

मोगार असच्या जातिंक द्वेशान भरून

बदलिलें बदलिलें बदलिलें !

काम नातलेल्यांक संसकतिचे रक्षक करून

गत नातलेल्यांक धर्म सांभाळणार जावून

मत नातलेल्यांक राजकीय बेळें शिजवंक

थीर नातलेल्यांक गोर्वां राकवली जावून

बदलिलें बदलिलें बदलिलें !

निर्भय चलियेचें रुदा‌न आकासाक तेंकून

खाणां वोर्वेचीं मोलां मोळबाक पावून

भुकेचीं पोटां हुल्पोंवचीं खेंडा जावून

रैतांची भाटां कांक्रीट रान करून

बदलिलें बदलिलें बदलिलें !

दिक्क दिशा नातली बदलावण

हांतून च असांव आमी लोळोन

केदना येत बदलावण

अजून असांव राकोन !

बदलुंक बदलुंक बदलुंक...

-फ्लाविया अलबुकर्क पुत्तूर