"ಆಗುಂಬೆಚಿ ಘುಂವ್ಡಿ" ಕಾಣಿಯಾಂ ಪುಂಜೊ ಲೋಕಾರ್ಪಣ್

ನಾಮ್ಣೆಚಿ ಕೊಂಕ್ಣಿ ಲೇಖಿಕಾ ಲವಿ ಗಂಜಿಮಠ ಹಿಣೆಂ ಬರಯಿಲ್ಲ್ಯಾ 20 ಮಟ್ವ್ಯಾ ಕಾಣಿಯಾಂಚೊ ಪುಂಜೊ "ಆಗುಂಬೆಚಿ ಘುಂವ್ಡಿ" ಜುಲೈ 21 ವೆರ್ ಸಂದೇಶ ಸಭಾಸಲಾಂತ್ ಲೋಕಾರ್ಪಣ್ ಜಾಲೊ. ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿನ್ ಮಾಂಡುನ್ ಹಾಡ್‌ಲ್ಲ್ಯಾ "ಕೊಂಕಣಿ ಲೇಖಕಾಂಚಿ ಜಮಾತ್" ಕಾರ್ಯಕ್ರಮವೆಳಿಂ, ಅಕಾಡೆಮಿ ಅಧ್ಯಕ್ಷ್ ಶ್ರೀ ಸ್ಟ್ಯಾನಿ ಅಲ್ವಾರಿಸ್ ಹಾಣಿಂ ಪುಸ್ತಕ್ ಲೋಕಾರ್ಪಣ್ ಕೆಲೆಂ. ಕೊಂಕಣಿ ಲೇಖಕ್ ಸಂಘ್ ಸಂಚಾಲಕ್ ಶ್ರೀ ರಿಚರ್ಡ್ ಮೋರಸ್, ಸಂದೇಶ ಸಂಸ್ಥ್ಯಾಚೊ ನಿರ್ದೇಶಕ್ ಮಾ.ಬಾ. ಸುದೀಪ್ ಪಾವ್ಲ್ ತಶೆಂಚ್ ಅಕಾಡೆಮಿ ಸಾಂದ್ಯಾಂನಿ ಸಾಂಗಾತ್ ದಿಲೊ. ಸಾಹಿತಿ ಪ್ರೀತಮ್ ಕಿರೆಂ ಹಾಣಿಂ ಪುಸ್ತಕ್ ಪರಿಚಯ್ ಕರ್ನ್ ದಿಲಿ. ಶ್ರೀ ಹೆನ್ರಿ ಮಸ್ಕರೇನಸ್ ಹಾಣಿಂ ಕಾರ್ಯೆಂ ಚಲಯ್ಲೆಂ.

ದಿಪಾಲಿ ಪ್ರಕಾಶನಾನ್ ಪ್ರಕಟ್ಲೆಲ್ಯಾ ಹ್ಯಾ ಪುಸ್ತಕಾಕ್  ಸಾಹಿತಿ ಆನಿ ದಾಯ್ಜಿ ವರ್ಲ್ಡ್ ಮೀಡಿಯಾಚೊ ನಿರ್ದೇಶಕ್ ಹೇಮಾಚಾರ್ಯ ಹಾಣಿಂ ಪ್ರಸ್ತಾವನ್ ಬರಯ್ಲಾಂ. ಹೆಂ ಪುಸ್ತಕ್ ಲವಿ ಗಂಜಿಮಠ ಹಿಚೆಂ ಚವ್ತೆಂ ಪುಸ್ತಕ್ ಜಾವ್ನಾಸೊನ್ "ವಿಶ್ವ್ ಕೊಂಕಣಿ‌ ಕೇಂದ್ರ್ - ಮೈಕಲ್ ಡಿಸೋಜ ವಿಶನ್ ಕೊಂಕಣಿ" ಹಾಚ್ಯಾ ಪುಸ್ತಕ್ ಅನುದಾನಾಂತ್ ಪ್ರಕಟ್ ಜಾಲ್ಲೆಂ ಜಾವ್ನಾಸಾ.

ಬುಕಾಚ್ಯಾ ಪ್ರತಿಯೆಚೆಂ ಮೋಲ್ ಕೇವಲ್ 200 ರುಪಾಯ್ ದವರ್ಲಾಂ. ಪ್ರತಿಯಾಂ ಖಾತಿರ್ 94482 15386 ಹ್ಯಾ ನಂಬರಾರ್ ಲೇಖಕಿಕ್ ಸಂಪರ್ಕ್ ಕರಾ. Google Pay ಮುಖಾಂತ್ರ್ ವಯ್ಲ್ಯಾ ನಂಬ್ರಾಚೆರ್ ಪಯ್ಶೆ ಪಾವಿತ್ ಕರುನ್ ವಿಳಾಸ್ ಧಾಡ್ಲ್ಯಾರ್ ಪ್ರತಿಯೊ ತಪ್ಪಾಲಾ ಮುಖಾಂತ್ರ್ ಧಾಡ್ಚಿ ವ್ಯವಸ್ಥಾ ಆಸಾ ಮ್ಹಣ್ ಲೇಖಕಿನ್ ತಿಳ್ಸಿಲಾಂ.

......

"Agumbechi Ghumvddi" kanniam punzo lokarponn

namnnechi konknni lekhika Lavi Ganjimath hinnem boroyil'lea 20 mottvea kanniancho punzo "Agumbechi Ghumvddi" zuloi 21 ver Sandeh sobhasolant lokarponn zalo. Karnataka Konkani Sahitya Academin manddun hadd‌l'lea "Konkonni Lekhokanchi Zomat" karyokromovellim, okaddemi odhyokx Sri. Joachim Stany Alvaris hannim pustok lokarponn kelem. Konkonni lekhok songh sonchalok xri Richard Moras, Sandesh somstheacho nirdexok Ma. Ba. Sudeep Paul toxench okaddemi sandeamni sangat dilo. Sahiti Pritam Kirem hannim pustok porichoi korn dili. Xri Henry Mascarenas hannim karyem choloilem.

“Dipali Prokaxonan” prokottlelea hea pustokak sahiti ani Daiji World mediacho nirdexok Hemacharya hannim prostaun boroilam. Hem pustok Lavi Ganjimath hichem choutem pustok zaunason "Vixv Konkonni‌ Kendr - Michael D'Souza Vision Konkani" hachea pustok onudanant prokott zal'lem zaunasa.

Bukachea protiechem mol keul 200 rupai dourlam. Protiam khatir 94482 15386 hea nomborar lekhokik sompork kora. Google Pay mukhantr voilea nombracher poixe pavit korun villas dhaddlear protio toppala mukhantr dhaddchi vyoustha asa mhonn lekhokin tillsilam.

….

"आगुंबेची घुंवडी" काणियां पुंजो लोकार्पण

नामणेची कोंकणी लेखिका लवी गंजिमठ हिणें बरयिल्ल्या २० मटव्या काणियांचो पुंजो "आगुंबेची घुंवडी" जुलै २१ वेर संदेश सभासलांत लोकार्पण जालो. कर्नाटक कोंकणी साहित्य अकाडेमीन मांडून हाड‌ल्ल्या "कोंकणी लेखकांची जमात" काऱ्यक्रमवेळीं, अकाडेमी अध्यक्ष श्री स्ट्यानी अलवारीस हाणीं पुसतक लोकार्पण केलें. कोंकणी लेखक संघ संचालक श्री रिचर्ड मॉरिस, संदेश संस्थ्याचो निर्देशक मा.बा. सुदीप पावल तशेंच अकाडेमी सांद्यांनी सांगात दिलो. साहिती प्रीतम किरें हाणीं पुसतक परिचय कर्न दिली. श्री हेनरी मसकरेनस हाणीं काऱ्यें चलयलें.

दिपाली प्रकाशनान प्रकटलेल्या ह्या पुसतकाक साहिती आनी दायजी वरल्ड मीडियाचो  निर्देशक हेमाचाऱ्य हाणीं प्रसतावन बरयलां. हें पुसतक लवी गंजिमठ हिचें चवतें पुसतक जावनासोन "विश्व कोंकणी‌ केंद्र - मैकल डिसोज विशन कोंकणी" हाच्या पुसतक अनुदानांत प्रकट जाल्लें जावनासा.

बुकाच्या प्रतियेचें मोल केवल २०० रुपाय दवरलां. प्रतियां खातीर ९४४८२ १५३८६ ह्या नंबरार लेखकीक संपर्क करा. Google Pay मुखांत्र वयल्या नंबराचेर पयशे पावीत करून विळास धाडल्यार प्रतियो तप्पाला मुखांत्र धाडची व्यवस्था आसा म्हण लेखकीन तिळसिलां.