ಮೊಗಾ ಯಾದ್

ಮನಾಂತ್ ಧೊಸ್ಚ್ಯಾ ಭೊಗ್ಣಾಂ ಯಾದಿಂಕ್

ದೊಳ್ಯಾಂ ದುಖಾಂಚೆಂ ಮೋಲ್ ಬಾಂಧುನ್

ಕಾಳ್ಜಾ ವೊಣ್ತಿರ್ ಸೊಭಯ್ಲಾಂಗೋ

ಯಾದಿಂಕ್ ಮ್ಹಜ್ಯಾ ತುಕ್ಲಾಯ್ನಾಕಾ

ತುಜ್ಯಾ ವೊಂಟಾಚ್ಯಾ ಸ್ವಾದಿಕ್ ಹಾಸ್ಯಾಕ್

ಉಮ್ಯಾ ಝೆಲ್ಯಾಂಚೊ ರಂಗ್ ಭರುನ್

ಕೊಯ್ತಿ ಚಂದ್ರಾಥಂಯ್ ನೆಟಯ್ಲಾಂಗೋ

ಪುನ್ವೆಕ್ ಮ್ಹಜ್ಯಾ ಮೊಡಾಯ್ನಾಕಾ

ಮಧುರ್ ಉತ್ರಾಂನಿ ಕಾನಾಂತ್ ಪುಸ್ಪುಸ್ಲೆಲ್ಯಾ

ಮೊಗಾ ಕಾಣಿಯಾಂಚ್ಯಾ ಪಾನಾಂಕ್

ಸಾರ‍್ಲ್ಯಾ ವೆಳಾಚಿ ಸಾಕ್ಸ್ ವಿಚಾರ್ಲ್ಯಾಗೋ

ತ್ಯಾ ಘಡಿಯಾಂಕ್ ಕಾಂಟೊ ತೊಪಿನಾಕಾ

ಮನಾ ಪರ್ದ್ಯಾಚ್ಯಾ ಹಜಾರ್ ಸೊಪ್ಣಾಂಕ್

ಗೊಪಾಂತ್ ತುಜ್ಯಾ ಬಂಧಿ ಕರುಂಕ್

ಬಾವ್ಳೆ ಉಸೊವ್ನ್ ಉಬೊ ರಾವ್ಲಾಂಗೋ

ಆಶೆಕ್ ಮ್ಹಜ್ಯಾ ಧೊಶಿನಾಕಾ

ಶಿರಾಂತ್ಲ್ಯಾ ರಗ್ತಾಂತ್, ಹರ್ದ್ಯಾಚ್ಯಾ ಧಡ್ದಡ್ಯಾಂತ್

ಜೀವಾಚ್ಯಾ ಉಸ್ವಾಸಾಂತ್, ಉಚಾರ್ಚ್ಯಾ ಉತ್ರಾಂತ್

ತುಜ್ಯಾ ಮೊಗಾಚಿ ಸಾಕ್ಸ್ ದಿಲ್ಯಾಗೋ.

ಮ್ಹಾಕಾ ಅನಾಥ್ ತುಂ ಕರಿನಾಕಾ

ಕಿರಣ್ ನಿರ್ಕಾಣ್

**********

Moga yad

Monant dhoschea bhognnam yadink

dolleam dukhanchem mol bandhun

kallza vonntir sobhoilango

yadink mhojea tuklainaka

tujea vonttachea svadik haseak

umea jheleancho rong bhorun

koiti chondrathoim nettoilango

punvek mhojea moddainaka

modhur utramni kanant puspuslelea

moga kannianchea panank

saro‍lea vellachi saks vicharleago

tea ghoddiank kantto topinaka

mona pordeachea hozar sopnnank

gopant tujea bondhi korunk

baulle usoun ubo raulango

axek mhojea dhoxinaka

xirantlea rogtant, hordeachea dhodd'doddeant

jivachea usvasant, ucharchea utrant

tujea mogachi saks dileago.

Mhaka onath tum korinaka

Kiran Nirkan