Author
Suresh Saldanha, Sakleshpurಹಾಸೊ ಆನಿ ಹಂಕಾರ್
ಕುಡಿಂತ್ ಉಸ್ವಾಸ್ ಆಸ್ತಾನಾ
ಪುರ್ಸೊತ್ ನಾಂ ಆಮ್ಕಾಂ
ಏಕಾಮೆಕಾ ಕಡೆ ಉಲಂವ್ಕ್
ಯಾ ತಾಂಚೆಂ ಸುಖ್ ದುಕ್
ವಾಂಟುನ್ ಘೆಂವ್ಕ್.
ತೆಂಚ್ ಉಸ್ವಾಸ್ ನಾತ್‌ಲ್ಯಾ ಕುಡಿಕ್
ವ್ಹಡ್ ವ್ಹಡ್ ಖುರಿಸ್ ಯಾ ರೀದ್ ಘೆವ್ನ್
ತಾಚೆ ಮುಸ್ಕಾರ್ ಪಳೆಂವ್ಕ್ ಅತ್ರೆಗ್ಚೊ
ಲೋಕ್‌ಚ್ ಭರೊನ್ ಗೆಲಾ ಅಧಿಕ್
ಉಡಾಸ್ ದವರ್ ಭಾವಾ ಮ್ಹಜ್ಯಾ
ಮೆಲ್ಲ್ಯಾ ಕುಡಿಚೆ ಮುಸ್ಕಾರ್ ಪಳೆಂವ್ಕ್
ಕಿತ್ಲೊ ತುಂ ದರ್ವಾಡ್ತಾಯ್‌ಗೀ
ತೆಂಚ್ ತೊ ಜಿವಂತ್ ಆಸ್ತಾನಾ ಕಿತ್ಯಾಕ್ ನಾಂ ದರ್ವೊಡ್?
ನಿರ್ಜೀವ್ ಕುಡಿಕ್ ಪುಲಾಂನಿ ಸೊಭಂವ್ಚ್ಯಾಕ್
ತೊ ಜಿವಂತ್ ಆಸ್ತಾನಾ ತಾಕಾ ಪುಲಾನಿಂ ಸೊಭಯ್
ಮಾತಿ ಖಾಂವ್ಚ್ಯಾ ಕುಡಿಕ್ ಕಿತೆಂಚ್ ನಾಕಾ, ಬಗಾರ್
ಜಿವಂತ್ ಆಸ್ತಾನಾ ತಾಕಾ ತುಜೊ ಮೋಗ್ ಜಾಯ್.
ತುಜೆ ಕಡೆ ದೀಂವ್ಕ್ ಕಿತೆಂಯ್ ನಾಂ ತರ್.
ಏಕ್ ಸೊಭಿತ್ ಹಾಸೊ ತಾಕಾ ಪಾಟಯ್
ತಾಚ್ಯಾ ಗರ್ಜಾ ಆಕಾಂತಾನಿ ತಾಚೆ ಸಂಗಿಂ ರಾವ್
ತಾಚ್ಯಾ ವಿನೊವ್ಣ್ಯಾಕ್ ಕಾನ್‌ ದೀ.
ಹಾಸೊ ಜಾವ್ನಾಸಾತ್ ಹರ್ಯೆಕಾ ಪಿಡೆಕ್ ವ್ಹಕಾತ್
ತರೀ ಆಮ್ಕಾಂ ನಾಕಾಚ್ ನಾಕಾ ಹಾಸೊಂಕ್.
ಕಿತ್ಯಾಕ್ ಹಂಕಾರ್ ಮ್ಹಳ್ಳೊ ಭುತ್ ರಿಗ್ಲಾ ಮೆಂದ್ವಾಂತ್
ದೆಕುನ್ ಸದಾಂನಿತ್ ಆಸಾಂವ್ ಅಮಿ ದುಕಾಂತ್
ಉಡಾಸ್ ದವರ್ ಭಾವಾ ಮಜ್ಯಾ
ಕೊಣ್ ಹಂಕಾರ್, ಗರ್ವಾಕ್ ಸಾಂಡುನ್
ಮೋಗ್ ಮಯ್ಪಾಸಾಕ್ ಆಪ್ಣಾಯ್ತಾಗೀ,
ತೊ ಬಾಳ್ತಲೊ
ಅಮರ್ ಜಾವ್ನ್ ಸರ್ವಾಂಚ್ಯಾ ಕಾಳ್ಜಾಂತ್.
ಸುರೇಶ್ ಸಲ್ಡಾನ್, ಸಕಲೇಶ್ಪುರ್
**********
Haso ani honkar
kuddint usvas astana
pursot nam amkam
ekameka kodde ulounko
ya tanchem sukh duk
vanttun gheunko.
Tench usvas natlea kuddik
vhodd vhodd khuris ya rid gheun
tache muskar polleunko otregcho
lokch bhoron gela odhik
uddas dour bhava mhojea
mel'lea kuddiche muskar polleunko
kitlo tum dorvaddtaigi
tench to jivont astana kiteak nam dorvodd?
nirjivo kuddik pulamni sobhomvcheak
to jivont astana taka pulanim sobhoi
mati khamvchea kuddik kitench naka, bogar
jivont astana taka tuzo mog zai.
Tuje kodde diunko kitem-i nam tor.
Ek sobhit haso taka pattoi
tachea gorza akantani tache songim ravo
tachea vinounneak kan di.
Haso zaunasat horyeka piddek vhokat
tori amkam nakach naka hasonk.
Kiteak honkar mholl'llo bhut rigla mendvant
dekun sodamnit asamv omi dukant
uddas dour bhava mojea
konn honkar, gorvak sanddun
mog moipasak apnnaitagi,
to balltolo
omor zaun sorvanchea kallzant.
Suresh Saldanha, Sakleshpur
Leave a comment