Author
Suresh Saldanha, Sakleshpurತುಜ್ಯಾ ವೆಗ್ಳಾಚಾರಾನ್
ರುಕಾಕ್ ರೆವ್ಡಲ್ಲ್ಯಾ ವಾಲಿಬರಿಂ
ಮೊಗಾಂತ್ ತುಜ್ಯಾ ರೆವ್ಡಲೊಂ
ತುಂವೆಂ ಉದ್ಕಾ ವಯ್ಲೊ ಗುಳೊ ಪುಟಯ್ಲಾಬರಿ
ಕಾಳಿಜ್ ಹೆಂ ಕಿಮ್ಚುನ್ ಪುಟಯ್ಲೆಂಯ್.
ದೀಸ್ ರಾತ್ ಸುಖ್ ದೂಖ್ ವಿಸ್ರೊನ್
ತುಜ್ಯಾ ಮೊಗಾಕ್ ಆಶೆಲೊಂ
ಖಂಯ್ಗೀ ಆಸ್‌ಲ್ಲ್ಯಾ ಮ್ಹನಾಕ್ ಮ್ಹಜ್ಯಾ ಜಾಗವ್ನ್
ನೆಣಾರ್ಪಣಾಚೊ ವೇಸ್ ಪಾಂಗ್ರುನ್ ಬಸ್ಲೆಂಯ್
ಜಿಣ್ಯೆಚಾ ಸುಖಾಕ್ ಲಾತ್ ಮಾರ್ನ್
ತುಜೆ ಸಂಗಿ ಜಿಣಿ ಸಾರುಂಕ್ ಆಶೆಲೊಂ
ಘರ್ಚಾಂಚೆಂ ಉತಾರ್ ಮಿರ್ವೊನ್
ತುಜ್ಯಾ ಉತ್ರಾಂಕ್ ಪಾತ್ಯೆಲೊಂ
ಬಲೂನಾಂತ್ ವಾರೆಂ ಭರ್‌ಲ್ಲ್ಯಾ ಬರಿಂ
ಎಕ್ಸುರ್ಯಾ ತುಜ್ಯಾ ಜಿಣ್ಯೆಕ್ ಸಾಂಗಾತ್ ದಿಲೊ
ಉತ್ರಾಂಚೆ ಭಾಲಿಯೊ ತೊಪುನ್
ತುಜ್ಯಾ ಜಿಣ್ಯೆ ಥಾವ್ನ್ ಭಾಯ್ರ್ ಕೆಲೆಂಯ್
ಏಕ್ ಘಡಿಭರ್ ದೊಳೆ ಧಾಂಪಿನಾಸ್ತಾನಾ
ತುಜ್ಯಾಚ್ ಖಂತಿನ್ ಬುಡ್ಲಾಂ ಹಾಂವ್
ತುಜೊ ವೆಗ್ಳಾಚಾರ್ ವಿಸ್ರೊಂಕ್ ಜಾಯ್ನಾಸ್ತಾನಾ
ಮೆಲ್ಲ್ಯಾ ಮೊಡ್ಯಾಕ್ ಸರಿ ಜಾಲಾಂ ಹಾಂವ್.
ಸುರೇಶ್ ಸಲ್ಡಾನ್, ಸಕಲೇಶ್ಪುರ್
**********
Tujea vegllacharan
rukak reuddol'lea valiborim
mogant tujea reuddolom
tumvem udka voilo gullo puttoilabori
kalliz hem kimchun puttoilem-i.
Dis rat sukh dukh visron
tujea mogak axelom
khoingi asl'lea mhonak mhojea zagoun
nennarponnacho ves pangrun boslem-i
jinnyecha sukhak lat marn
tuje songi jinni sarunk axelom
ghorchanchem utar mirvon
tujea utrank patyelom
bolunant varem bhorl'lea borim
eksurea tujea jinnyek sangat dilo
utranche bhalio topun
tujea jinnye thaun bhair kelem-i
ek ghoddibhor dolle dhampinastana
tujeach khontin buddlam hamv
tuzo vegllachar visronk zainastana
mel'lea moddeak sori zalam hamv.
Suresh Saldanha, Sakleshpur
Leave a comment