Author
Suresh Saldanha, Sakleshpurಮ್ಹಜೊ ಗಾಂವ್
ಮಲೆನಾಡುಚ್ಯಾ ಪ್ರಕೃತಿ ಮಧ್ಲೊ
ಸೊಭಿತ್ ಸುಂದರ್ ಗಾಂವ್
ಥಂಯ್ಸರ್ ಜಲ್ಮೊನ್ ವಾಡ್‌ಲ್ಲೊಂ ಹಾಂವ್
ಸಕಲೇಶಪುರ ಮ್ಹಣ್ ತಾಚೆಂ ನಾಂವ್
ಕಾಪಿಯೆಚ್ಯಾ ಫುಲಾಂನಿ ಸುರ್ಗಾಂರುನ್
ಪಾಚ್ವ್ಯಾ ಶೆತಾಂ ಭಾಟಾಂನಿ ಫುಲೊನ್
ಗುಡ್ಯಾ ದೊಂಗೊರಾಂನಿ ಪಾಲೆವ್ನ್
ಆಸಾ ಸರ್ವಾಂಕ್ ಆಕರ್ಷಿತ್ ಕರುನ್
ಚಿತುರ್ಲ್ಯೊ, ದಾಳಿಂಬ್, ಸಿತಾಫಳ್, ಆಂಬ್ಯಾಚ್ಯಾ ಪರ್ಮಳಾಂನಿ
ಕಾಜು, ರಾಮಾಫಲ್, ಲಿಂಬ್ಯಾ ಫಳಾನಿಂ
ರುಮ್ಡಾಂ, ಜಾಮ್ಳಾಂ, ಜಾಮುನ್ ಪಣ್ಸಾಚ್ಯಾ ರುಕಾಂನಿ
ನಾವಾಡ್ಲಾಂ ಪೆರಾಂ, ಚಿಕ್ಕು, ಮುಸೊಂಬ್ಯೊ ಅಣ್ಸಾಂನಿ.
ಕಾಕ್ಡಾ, ಗುಲೊಬ್, ಸಿಂವ್ತಿ, ಅಬೊಲ್ಯಾಂನಿ
ಆಕರ್ಷಿತ್ ಜಾಲಾ ವ್ಹಡ್ ವ್ಹಡ್ ಜೊಗ್ ಫಾಲ್ಸಾಂನಿ
ಶಿರಾಡಿ-ಚಾರ್ಮಾಡಿ ಘಾಟಿಯ್ಯಾಂನಿ
ಫಾಮಾದ್ ಜಾಲಾ ಮೊವಾಂಚ್ಯಾ ಪೆಳಿಯಾಂನಿ.
ಕಠಿಣ್ ಧಗ್, ಯಾ ಆವ್ರ್ ಪಾವ್ಸ್ ನಾ
ಹಿಂವೆಚಿ ಗಜಾಲ್ ಸಾಂಗೊಂಕ್ ಜಾಯ್ನಾ
ಚಾರ್ ಚಾರ್ ಕಾಂಬೊಳ್ ಪಾಂಗುರ್ಲ್ಯಾರಿ
ಹಿಂವ್ ಮಾತ್ರ್ ತಡ್ವೊಂಕ್ ಜಾಯ್ನಾ.
ಯೆಯಾ ಯೆಯಾ ತುಮಿ ಸಕಲೇಶ್ಪುರಾಕ್
ಸೊಭಿತ್ ಸುಂದರ್ ಶಾಂತ್ ಶ್ಹೆರಾಕ್
ಚಾಕಾ ಚಾಕಾ ರುಚ್ ಚಾಕಾ ಮ್ಹಜ್ಯಾ ಗಾಂವಾಚಿ
ಉಪ್ರಾಂತ್ ವರ್ಣನ್ ಕರಾ ಮಲೆನಾಡುಚ್ಯಾ ಪ್ರಕೃತೆಚಿ?
ಸುರೇಶ್ ಸಲ್ಡಾನ, ಸಕಲೇಶ್ಪುರ್.
**********
mhozo gamv
molenadduchea prokriti modhlo
sobhit sundor gamv
thoimsor zolmon vaddl'lom hamv
sokolexopuro mhonn tachem namv
kapiechea fulamni surgamrun
pachvea xetam bhattamni fulon
guddea dongoramni paleun
asa sorvank akorxit korun
chiturleo, dallimb, sitafoll, ambeachea pormollamni
kazu, ramafol, limbea follanim
rumddam, zamllam, zamun ponnsachea rukamni
navaddlam peram, chikku, musombeo onnsamni.
Kakdda, gulob, simvti, oboleamni
akorxit zala vhodd vhodd zog falsamni
xiraddi-charmaddi ghattieamni
famad zala movanchea pelliamni.
Kotthinn dhog, ya aur paus na
himvechi gozal sangonk zaina
char char kamboll pangurleari
himv matr toddvonk zaina.
Yeya yeya tumi sokolexpurak
sobhit sundor xant xherak
chaka chaka ruch chaka mhojea gamvachi
uprant vornnon kora molenadduchea prokritechi?
Suresh Saldanha, Sakleshpur
Leave a comment