Author
Suresh Saldanha, Sakleshpurದು:ಖ್
ಆದಿಂ,
ಮಾಣ್ಸುಗೆಚೆಂ ನೆಸಣ್ ನೆಸೊನ್,
ಮಾತೆಂ ಭರ್ ಪಾಲೊಂವ್ ಘಾಲುನ್,
ಧಾ-ಬಾರಾಂ ಮಯ್ಲಾಂ ಚಲೊನ್,
ವಾಟೆರ್ ರಜಾರ್ ಮಾಗ್ಣೆಂ ಕರುನ್,
ಮಾತ್ಯಾರ್ ವೊಜ್ಯಾ ಕಾಣಿಕ್ ಘೆವುನ್,
ಮುಕ್ಲ್ಯಾ ಬಾಂಕಾರ್ ಬಸೊನ್,
ವಡ್ಲ್ಯಾನ್ ದೆವಾಚಿ ಸ್ತುತಿ ಗಾವುನ್,
ಭಾಗ್ ಘೆತಾಲಿಂ ಮಿಸಾಬಲಿದಾನಾಂತ್
ವ್ಹಡಾ ದೆವಾಸ್ಪಣಾನ್.
ಆತಾಂ,
ದೊಂಪ್ರಾವಯ್ರ್ ವಸ್ತುರ್ ನೆಸೊನ್,
ಪೆಂಕ್ಟಾಸಕಯ್ಲ್ ಪ್ಯಾಂಟಾಂ ಘಾಲುನ್
ವಾಚ್ಪಾ ಉಪ್ರಾಂತ್ ಇಗರ್ಜೆಕ್ ಯೆವುನ್
ಪಾಟ್ಲ್ಯಾ ಬಾಂಕಾಂನಿ ಬಸುನ್
ಮೊಬಾಯ್ಲಾರ್ ಮೆಸೇಜ್ ಕರುನ್
ಶೆರ್ಮಾಂವ್ ವ್ಹೆಳಾರ್ ನೀದ್ ಕಾಡುನ್
ದನ್ಪಾರಾಂ ಕಾಲೆಂ ತೊಂಡ್ಲಾಂವ್ಚೆ ಮ್ಹಣೊನ್ ಚಿಂತುನ್
ಅಖೇರಿಚೆಂ ಬೆಸಾಂವ್ ಜಾಂವ್ಚ್ಯಾ ಪಯ್ಲೆಂ
ಮಾಯಾಕ್ ಜಾತಾತ್, ಮಾರ್ಕೆಟಿಂತ್
ದುಕ್ರಾಮಾಸ್ ಮುಗ್ದಾತ್ ಮಳ್ಳ್ಯಾ ಭಿಯಾನ್
ಫುಡೆಂ,
ಪಾದ್ರಿ ಎಕ್ಲೊಚ್ ಆಸ್ತೊಲೊ ಇಗರ್ಜೆಂತ್
ಲೋಕ್ ಆಸ್ತಲೊ ಘರಾ ಮೊಬಾಯ್ಲಾಂತ್
ಮೀಸ್ ಆಯ್ಕಾತಾಲಿಂ ಅಂತರ್ ಜಾಳಿಂತ್
ಕುಮ್ಗಾರ್ ಘೆವ್ನ್ ಪಾದ್ರಿ ಯೇತ್ ಘರಾ ಘರಾಂತ್
ಆದಿಂ ಕಿತ್ಲಿ ಸುಂದರ್ ಆಸ್ ಲ್ಲಿ ಅಮ್ಚಿ ಇಗರ್ಜ್ ಮಾತಾ
ಆಯ್ಚೆಂ ಫ್ಯಾಶನ್ ಪಳೆವ್ನ್ ಸದಾನಿತ್ ದು:ಖಾಂ ಗಳಾಯ್ತಾ
ಅಶೆಂಚ್ ಮುಕಾರಿ ಚಲೊನ್ ವಚಾತ್ ತರ್
ಏಕ್ ದಿಸ್ ನಪಂಯ್ಚ್ ಜಾವ್ನ್ ಯೆತಾ.
ಸುರೇಶ್ ಸಲ್ಡಾನಾ, ಸಕಲೇಶ್ಪುರ್
**********
Du:kh
adim,
mannsugechem nesonn neson,
matem bhor palomv ghalun,
dha-baram moilam cholon,
vatter rozar magnnem korun,
matear vojea kannik ghevun,
muklea bankar boson,
voddlean devachi stuti gavun,
bhag ghetalim misabolidanant
vhodda devasponnan.
Atam,
domprauyr vostur neson,
penkttasokoil peanttam ghalun
vachpa uprant igorjek yevun
pattlea bankamni bosun
mobailar mesez korun
xermamv vhellar nid kaddun
donparam kalem tonddlamvche mhonnon chintun
okherichem besamv zamvchea poilem
mayak zatat, markettint
dukramas mugdat moll'llea bhian
fuddem,
padri ekloch astolo igorjent
lok astolo ghora mobailant
mis aikatalim ontor zallint
kumgar gheun padri yet ghora ghorant
adim kitli sundor as l'li omchi igorz mata
aichem feaxon polleun sodanit du:kham gollaita
oxench mukari cholon vochat tor
ek dis nopomych zaun yeta.
Surex solddana, sokolexpur
Leave a comment