Author
Suresh Saldanha, Sakleshpurಕಶೆಂ ಉಚಾರುಂ
ಮೊಗಾಚಿ ಪಾಳಾಂ ತುಜಿಂ ರೊಂಬ್ಲ್ಯಾಂತ್ ಕಾಳ್ಜಾಂತ್ ಮ್ಹಜ್ಯಾ
ಪಿಸೊ ಜಾಲಾಂ ರೆ ಹಾಂವ್ ಮೆಚ್ವೊನ್ ಗುಣಾಂಕ್ ತುಜ್ಯಾ
ಮೊಗಾಚೊ ಉಚಾರ್ ಕರುಂಕ್ ಆಯ್ಲಿಂ ಹಾಂವ್ ಸಮೊರ್ ತುಜ್ಯಾ
ತುಕಾ ಪಳೆತಾತ್ ದಡ್ದಡೆ ಉಟೊನ್ ಆಯ್ಲೆ ಕಾಳ್ಜಾಂತ್ ಮ್ಹಜ್ಯಾ.
ಪಳೆವ್ನ್ ತುಜಿ ಸೊಬಾಯ್ ತರ್ನಾಟ್ಪಣ್ ಹೆಂ ಜಾಗೆಂ ಜಾಲಾಂ
ಮೋಗ್ ಮ್ಹಳ್ಳೊ ರೋಗ್ ಮ್ಹಜೆಥಂಯ್ ಕಿರ್ಲೊನ್ ಆಯ್ಲಾ
ಖಂಯ್ಸಾರ್ ಬಸುಂ, ಖಂಯ್ಸರ್ ವಚುಂ, ಖಂಯ್ಸರ್ ಪಳೆಂವ್
ರುಪ್ಣೆಂ ತುಜೆಂ ತೆಂ ಮತಿಂತ್ ಖಂಚೊನ್ ರಾವ್ಲಾಂ.
ವರ್ಸಾಚೆ ಬಾರಾಯ್ ಮ್ಹಹಿನ್ಯೆ ಆಸ್ತಾಂ ತುಜ್ಯಾ ಯಾದಿನ್
ವರ್ಸಾಚೆ ತಿನ್ಸಿ ಸಾಟ್ ಪಾಂಚ್ ದೀಸ್ ಆಸ್ತಾಂ ತುಕಾ ನಿಯಾಳುನ್
ವರ್ಸಾಚೆ ಆಟ್ ಹಜಾರ್ ಸಾತ್ಸಿ ಸಾಟ್ ಘಂಟೆ ಆಸ್ತಾಂ ಗಾವ್ನ್ ತುಜಿ ಲದಿನ್
ವರ್ಸಾಚೆ ಪಾಂಚ್ ಲಾಖ್ ಪಂಚ್ವಿಸ್ ಹಜಾರ್ ಸಾಯ್ಸಿ ಮಿನುಟಾಂ ಆಸ್ತಾಂ ತುಕಾ ರಾಕೊನ್.
ಜಾಯ್ನಾ ರೆ ಮ್ಹಾಕಾ ಜಿಯೆಂವ್ಕ್ ತುಜ್ಯಾ ವಿಣೆಂ
ಸೊಬಾಯ್ ನಾಂ ರೆ ಜಿವಿತಾಂತ್ ತುಜ್ಯಾ ಮೊಗಾ ವಿಣೆಂ
ಆಜ್ ಪುಣಿಂ ಖರೆಂ ಸಾಂಗ್ ರೆ ಮೊಗಾ ಮ್ಹಜ್ಯಾ.
ನಾಂಗಿ ಹಾಂವ್ ಯಾ ಮೋಗ್ ಹೊ ಮ್ಹಜೊ ಕಾಳ್ಜಾಂತ್ ತುಜ್ಯಾ?
ಸುರೇಶ್ ಸಲ್ಡಾನ, ಸಕಲೇಶ್ಪುರ್.
**********
Koxem ucharum
mogachi pallam tujim rombleant kallzant mhojea
piso zalam re hamv mechvon gunnank tujea
mogacho uchar korunk ailim hamv somor tujea
tuka polletat dodd'dodde utton aile kallzant mhojea.
Polleun tuji sobai tornattponn hem zagem zalam
mog mholl'llo rog mhojethoim kirlon aila
khoimsar bosum, khoimsor vochum, khoimsor pollemv
rupnnem tujem tem motint khonchon raulam.
Vorsache barai mhohinye astam tujea yadin
vorsache tinsi satt panch dis astam tuka niallun
vorsache att hozar satsi satt ghontte astam gaun tuji lodin
vorsache panch lakh ponchvis hozar saisi minuttam astam tuka rakon.
Zaina re mhaka jieunko tujea vinnem
sobai nam re jivitant tujea moga vinnem
az punnim khorem sang re moga mhojea.
Nangi hamv ya mog ho mhozo kallzant tujea?
Suresh Saldanha, Sakleshpur
Leave a comment