ಆವಯ್ ಜಾಂವ್ಕ್ ಆಶೆಲಿ ತಿ

ಪುಣ್ ಫಾವೊ ನಾಂ ಜಾಲೆಂ ತಿಕಾ ಭಾಗ್ ತೆಂ

ಮಾಮ್ಮಿ ಮ್ಹಣ್ ಆಯ್ಕೊಂಕ್ ಆಶೆಲಿ ತಿ

ಸ್ವಪಾಣ್ ಅಧುರೆಂ ಉರ್ಲೆಂ ತೆಂ

ಸ್ವಪ್ಣಾಂ ಸಬಾರ್ ಗುಂತ್ಲಿಂ ತಿಣೆಂ

ಬಾಳಾಕ್ ಆಪ್ಲ್ಯಾ ಆರಾವ್ನ್ ದರ್ಚಿಂ

ಮನಾ ಭಿತರ್ ದುಖಾಂ ಗಳಯ್ಲಿಂ ತಿಣೆಂ

ಚಿಂತುನ್ ಅಪ್ಲೆಂ ಅಧುರೆಂ ಸ್ವಪಾಣ್

ಸೊಸುನ್ ವ್ಹೆಲೆ ತಿಣೆಂ ಕಷ್ಟ್ ಸರ್ವ್

ಧೊಸುಂಕ್ ಲಾಗ್ಲಿ ಸಾಸು-ಮಾಂಯ್ ತಿಚಿ

ಕೆಂಡ್ಲೆಂ ತಿಣೆ ತಿಚ್ಯಾ ಉತ್ರಾಂನಿ

ಭರುಂಕ್ ತಿಚೆಂ ಘರ್ ದೋನ್ ನಾತ್ರಾನಿಂ

ಚಿಂತ್ಲೆ ತಿಣೆಂ ಪತಿ ದಿತಲೊ ಸಾಂಗಾತ್ ತಿಚೊ

ಕಳ್ಳೆನಾಂ ತಿಕಾ ಕರ್ತಾಲೊ ತೊ ಕಿತ್ಯಾಕ್ ಅಸೊ

ಘರ್ಚೊ ವಾರಿಸ್ ಮಾಗೊಂಕ್ ಲಾಗ್ಲೊ ಪತಿ

ಬೆಲ್ಟಾಂನಿ ತಿಕಾ ಮಾರುಂಕ್ ಲಾಗ್ಲೊ ಹಾತಿಂ.

ಸೊಸ್ಲೆ ತಿಣೆಂ ಸರ್ವ್ ಸಂಕಷ್ಟ್

ಕೆಲೆಂ ಮತಿಂತ್ ತಿಣೆಂ ಸ್ಪಸ್ಟ್

ಯೆಂವ್ದಿತ್ ತಿಕಾ ಕಿತ್ಲೆಯಿ ಕಷ್ಟ್

ಜಾಂವ್ಕ್ ಸೊಡ್ಚಿನಾಂ ಆನಿ ಮುಕಾರ್ ನಷ್ಟ್

ಉಗ್ಡಾಸ್ ತಿಣೆಂ ದವೊರ್ಲೊ

ದೇವ್ ತೆಂಪ್ಲಾಂತ್ ದಿಲ್ಲಿ ತಿ ಭಾಸ್

ಬಾಳ್-ಭುರ್ಗ್ಯಾಂಕ್ ಜತ್ನೆನ್ ಸಾಂಬಾಳ್ತಲಿಂ

ಮೊಗಾನ್ ತಾಂಕಾಂ ಪೊಸ್ತಲಿಂ

ಧಯ್ರ್ ಘೆವ್ನ್ ಸಾಂಗ್ಲೆಂ ತಿಣೆ ತಿಚಾ ಪತಿಕ್

ಘೆವ್ಯಾಂ ಆಮಿ ಎಕಾ ಬಾಳ್ಕಾಕ್ ಪೊಸ್ಕೆಂ ಹಾತಿಂ

ಅನಾಥ್ ಆಸಾತ್ ಸಬಾರ್ ನೆಣ್ತಿಂ

ಆಶೆಂ ದೀವ್ನ್ ತಾಂಕಾ ಎಕ್ ಜಿಣಿ

ಜಾವ್ಯಾಂ ಆಮಿ ಜಾಣ್ತಿಂ.

ಜೊವಿ, ಪೆರಂಪಳ್ಳಿ

**********

Auy

auy zaunko axeli ti

punn favo nam zalem tika bhag tem

mam'mi mhonn aikonk axeli ti

svopann odhurem urlem tem

svopnnam sobar guntlim tinnem

ballak aplea araun dorchim

mona bhitor dukham golloilim tinnem

chintun oplem odhurem svopann

sosun vhele tinnem koxtt sorv

dhosunk lagli sasu-mam-i tichi

kenddlem tinne tichea utramni

bhorunk tichem ghor don natranim

chintle tinnem poti ditolo sangat ticho

koll'llenam tika kortalo to kiteak oso

ghorcho varis magonk laglo poti

belttamni tika marunk laglo hatim.

Sosle tinnem sorv sonkoxtt

kelem motint tinnem spostt

yemvdit tika kitleyi koxtt

zaunko soddchinam ani mukar noxtt

ugddas tinnem dovorlo

devo templant dil'li ti bhas

ball-bhurgeank zotnen samballtolim

mogan tankam postolim

dhoir gheun sanglem tinne ticha potik

gheveam ami eka ballkak poskem hatim

onath asat sobar nenntim

axem diun tanka ek jinni

zaveam ami zanntim.

Jovi Perampalli