ರಾತ್ ಜಾಲಿ ರಾತ್, ಮಧ್ಯಾನೆ ರಾತ್

ನಿದುನ್ ಪಡ್ಲ್ಯಾ ಸರ್ವ್ ಜಾತ್!

ತರೀ ಪಡ್ತೆ ನಾ ನೀದ್ ಮ್ಹಾಕಾ

ಜಾಗೆಂ ರಾವುನ್ ಆಸಾಂ ಚಿಂತುನ್ ತಾಕಾ.

ಅಂತ್ರಳಾರ್ ಸೊಭ್ತಾತ್ ತಿ ತಾರಾಂ

ಧಾಂಪ್ಲ್ಯಾಂತ್ ಘರ್ಚಿಂ ಸರ್ವ್ ದಾರಾಂ

ರಾಕೊನ್ ಆಸಾಂ ತುಕಾ ಮೊಗಾ ಮ್ಹಜ್ಯಾ

ಮೆಳ್ತಲೊಯ್ ಕೆದ್ನಾಂ ತುಂ ರಾಜಾ

ಶೆಣೊವ್ನ್ ಆಸಾ ಮೊಗಾ ಪಾವ್ಸ್

ವ್ಹಾಳೊನ್ ಆಸಾ ವಾರೆಂ ಥಂಡ್

ವಾಜೊನ್ ಆಸಾತ್ ಗಿತಾಂ ಮಧುರ್

ತುಕಾ ಮೊಗಾ ಹಾಂವ್ ಆಸಾ ಚಿಂತುನ್

ದೀಸ್ ತೊ ಯೆತಲೊ ಎಕಾ ಚೊರಾ ಪರಿಂ,

ಕರ್ತಲೊ ತೊ ಮ್ಹಜ್ಯಾ ಕಾಳ್ಜಾಚಿ ಚೊರಿ

ವಾತ್ ತಾಕಾ ಜಾತಲಿಂ ಹಾಂವ್ ಜಳ್ತಿ

ರಾವ್ತಲಿಂ ಹಾಂವ್ ತಾಕಾ ಖಾಲ್ತಿಂ

ಮೋಗ್ ತಾಚೊ ಹಾಂವ್ ಕರ್ತಲಿಂ

ಜತ್ನೆನ್ ತಾಕಾ ಹಾಂವ್ ಸಾಂಬಾಳ್ತಲಿಂ

ವಿಶ್ವಾಸಿ ಸದಾಂಚ್ ಹಾಂವ್ ಉರ್ತಲಿಂ

ಮೊಗ್ ಆಮ್ಚೊ ಪರ್ಜಳ್ತಲೊ ತ್ಯಾ ಚಂದ್ರಾಪರಿಂ.

ಸೈರಿಕ್ ಆಮ್ಚಿ ಘಟ್ ಜಾತಲಿ,

ಘರಾಂತ್ ಆಮ್ಚ್ಯಾ ಸಂತೊಸ್ ಫಾಂಕ್ತಲೊ!

ಅಸೊ ಸಾಂಗಾತ್ ಆಮ್ಚೊ

ಭೆಸ್ ಜಾವ್ನ್ ಸದಾಂಚ್ ಉರ್ತಲೊ

ಜೊವಿ, ಪೆರಂಪಳ್ಳಿ

**********

Rat

rat zali rat, modheane rat

nidun poddlea sorv zat!

tori poddte na nid mhaka

zagem ravun asam chintun taka.

Ontrollar sobhtat ti taram

dhampleant ghorchim sorv daram

rakon asam tuka moga mhojea

melltoloi kednam tum raza

xennoun asa moga paus

vhallon asa varem thondd

vazon asat gitam modhur

tuka moga hamv asa chintun

dis to yetolo eka chora porim,

kortolo to mhojea kallzachi chori

vat taka zatolim hamv zollti

rautolim hamv taka khaltim

mog tacho hamv kortolim

zotnen taka hamv samballtolim

vixvasi sodanch hamv urtolim

mog amcho porzolltolo tea chondraporim.

Soirik amchi ghott zatoli,

ghorant amchea sontos fanktolo!

oso sangat amcho

bhes zaun sodanch urtolo

Jovi Perampalli