ಮಾಂಡಾಸ್

ಪಾವ್ಸಾಳ್ ಯಾದ್ ಹಾಡ್ತಾ ಲ್ಹಾನ್‍ಪಣಾಚೆ ಉಗ್ಡಾಸ್

ಮಾಮ್ಮಿ ಕರ್ತಾಲಿ ಘರಾ ತೊವ್ಶೆಂ ಘಾಲ್ನ್ ಮಾಂಡಾಸ್

ಆಜುನ್ ಜಿಬೆರ್ ಸರುನಾ ತಾಚಿ ಸ್ವಾದಿಷ್ಟ್ ರುಚ್

ಖಾಂವ್ಕ್ ಆಶೆತಾ ಮನ್, ಮೆಳ್ಳ್ಯಾರ್ ಪುರೊ ಏಕ್ ಘಾಸ್

ವಾನಾರ್ ವಾಟುನ್, ವ್ಹಡ್ಲ್ಯಾ ತೊಪ್ಲ್ಯಾಂತ್ ಮಾಂಡುನ್

ರಾಂದ್ಣಿರ್ ತಿ ದವರ್ತಾಲಿ

ವಯ್ರ್ ಪಂದಾ ಉಜೊ ಕರ‍್ಚ್ಯಾ ಕಾಮಾಕ್

ಮ್ಹಾಕಾ ತಿ ಲಾಯ್ತಾಲಿ

ಥಂಡ್ ಪಾವ್ಸ್ ತೊ ರಾವಾನಾಸ್ತಾನಾ ವೊತ್ತಾಲೊ

ಹಾಂವ್ ಮುಗ್ದ್, ರಾಂದ್ಣಿ ಮುಕಾರ್ ಆಂವ್ಡೆ ಗಳಯ್ತಾಲೊಂ

ಆತಾಂ ಗೊಡ್ಶೆಂ ಜಾವ್ನ್ ವಾಪರ್ತಾತ್ ವಿವಿಧ್ ನಮುನ್ಯಾಚೆ ಕೇಕ್

ಪುಣ್ ತೆದಾಳಾ ಮಾಂಡಾಸ್ ಜಾವ್ನ್ ಆಸ್‍ಲ್ಲೆಂ ನಂಬರ್ ಏಕ್

ಸುರ್ವೆರ್ ಕಷ್ಟ್ ಆಸ್ಲ್ಯಾರ್, ಮುಖಾರ್ ಗೋಡ್ ಮೆಳ್ತಾ

ಮ್ಹಣ್ಚೆಂ ಜಿಣ್ಯೆಂ ಲಿಸಾಂವ್ ಸಯ್ತ್ ಮಾಂಡಾಸ್ ಆಮ್ಕಾಂ ಶಿಕಯ್ತಾ!

ಅಶೋಕ್ ಡಾಯಸ್, ಬೈಂದೂರ್

***************

Manddas

pausall yad haddta lhan‍ponnache ugddas

mam'mi kortali ghora touxem ghaln manddas

azun jiber soruna tachi svadixtt ruch

khaunko axeta mon, mell'llear puro ek ghas

vanar vattun, vhoddlea topleant manddun

randnnir ti dourtali

voir ponda uzo koro‍chea kamak

mhaka ti laitali

thondd paus to ravanastana vot'talo

hamv mugd, randnni mukar amvdde golloitalom

atam goddxem zaun vaportat vividh nomuneache kek

punn tedalla manddas zaun as‍l'lem nombor ek

surver koxtt aslear, mukhar godd mellta

mhonnchem jinnyem lisamv soit manddas amkam xikoita!

Ashok Dais, Bynoor