ನಾಟ್ಕುಳೊ ಚಲೊನ್ ಆಸ್‍ಲ್ಲೊ ಇಗರ್ಜೆ ರಂಗ್ ಮಾಂಚಿಯೆರ್

ಚಲಿ ಏಕ್ ಬಸುನ್ ಆಸ್‍ಲ್ಲಿ ಮ್ಹಜ್ಯಾ ಮುಕ್ಲ್ಯಾ ಪಂಗ್ತಿರ್

ಚೆರ್ಕೆ ಥೊಡೆ ಬೋಬ್ ಮಾರ್ತಾಲೆ ಉಬೆ ರಾವೊನ್ ಪಾಟ್ಲ್ಯಾ ಪಾಗೊರಾರ್

ಪುಣ್ ಹಾಂವ್ ರಾಕೊನ್ ಆಸ್‍ಲ್ಲೊಂ ರುಪ್ಣೆಂ ಪಳೆಂವ್ಕ್ ತೆಂ ಗುಂವ್ಲ್ಯಾರ್

ನಾಟಕ್ ಆಖೇರ್ ಜಾಲೊ ಕೆನ್ನಾಂ ಕೊಣ್ಣಾಂ

ಹಾಂವ್ ದೆಖತ್ ಬಸ್‍ಲ್ಲೊಂ ಸೊಭಿತ್ ಸ್ವಪ್ಣಾಂ

ಪಳಯ್ಲ್ಯಾರ್ ನಪಂಯ್ಚ್ ಜಾಲ್ಲೆಂ ತೆಂ ತೆನ್ನಾಂ

ಮತಿಂತ್ ಸವಾಲ್ ಉಟ್ಲೆಂ ಪರತ್ ಆನಿಂ ತೆಂ ದಿಷ್ಟಿಕ್ ಪಡತ್ ಕೆನ್ನಾಂ?

ನಿರಾಶಿ ಜಾವ್ನ್ ಹಾಂವ್ ಘರಾ ಪಾಟಿಂ ಆಯ್ಲೊಂ

ಜೆವಿನಾಸ್ತಾನಾ ಖಾಟ್ಲ್ಯಾರ್ ವೊಮ್ತೆಂ ನಿದ್ಲೊಂ

ನೀದ್ ಪಡನಾಂ ಮ್ಹಣ್ ಇಷ್ಟಾಕ್ ಸಂದೇಶ್ ಧಾಡ್ಲೊ

ಮೋಗ್ ತುಕಾ ಜಾಲಾ ಮ್ಹಣ್ ತೊ ಮ್ಹಣುಂಕ್ ಲಾಗ್ಲೊ!

ದುಸ್ರ್ಯಾ ದಿಸಾ ಸಕಾಳಿಂ ಚಿಂತಿನಾಸ್ತಾನಾ ಅಶೆಂ ಘಡ್ಲೆಂ

ಚೆಡುಂ ತೆಂ ಮ್ಹಜೆಂ, ಸೆಜಾರಾಚ್ಯಾ ಘರಾ ಆಂಗ್ಣಾಂತ್ ಝಳ್ಕಾಲೆಂ

ಧೈರ್ ಘೆವ್ನ್ ತಾಚೆಲಾಗಿಂ ಉಲಂವ್ಕ್ ಮ್ಹಣ್ ಫುಡೆಂ ಸರ್ಲೊಂ

ಮಾಂಯ್ಚಿ ಬೋಬ್ ಆಯ್ಕಲಿ- ಊಟ್ ರೆ ವೆಗಿಂ ಸಕ್ಕಡ್ ಲೋಕ್ ಇಗರ್ಜೆಕ್ ಪಾವ್ಲೊ!

ಅಶೋಕ್ ಡಾಯಸ್, ಬೈಂದೂರ್

*****************

Kiteak dhostai?

nattkullo cholon as‍l'lo igorje rong manchier

choli ek bosun as‍l'li mhojea muklea pongtir

cherke thodde bob martale ube ravon pattlea pagorar

punn hamv rakon as‍l'lom rupnnem polleunko tem gumvlear

nattok akher zalo ken'nam konn'nnam

hamv dekhot bos‍l'lom sobhit svopnnam

polloilear nopomych zal'lem tem ten'nam

motint soval uttlem porot anim tem dixttik poddot ken'nam?

niraxi zaun hamv ghora pattim ailom

jevinastana khattlear vomtem nidlom

nid poddonam mhonn ixttak sondex dhaddlo

mog tuka zala mhonn to mhonnunk laglo!

dusrea disa sokallim chintinastana oxem ghoddlem

cheddum tem mhojem, sezarachea ghora angnnant zhollkalem

dhoir gheun tachelagim ulounko mhonn fuddem sorlom

mamychi bob aikoli- utt re vegim sokkodd lok igorjek paulo!

Ashok Dais, Byndoor