ಗಲ್ಪಾಚೆ ದು:ಖ್

ಫುಡಾರಾಚ್ಯಾ ಸ್ವಪ್ಣಾಂಕ್ ಆಶೆವ್ನ್

ಆಯ್ಲೊಂ ಹಾಂವ್ ಗಲ್ಫಾಚಿ ವಾಟ್ ಸೊಧುನ್

ಫಸ್ಲೊಂ ಹಾಂವ್ ಗಲ್ಫಾಚ್ಯಾ ಪಯ್ಶ್ಯಾಂಕ್ ಲಬ್ದೊನ್

ಆಸಾಂ ಆತಾಂ ಹಾಂವ್ ಪಾತಾಳಿ ಉಜ್ಯಾಂತ್ ಲಾಸೊನ್

ಸುರ್ಯಾಚಿ ಕೀರ್ಣಾಂ ಧರ್ತೆಕ್ ಪಡ್ಚ್ಯಾ ಫುಡೆಂ ಉಟೊನ್,

ಸುಕಿ ಬಾಕ್ರಿ - ಸುಲೆಮಾನಿ ಚಾ ಪಿಯೆವ್ನ್

ಆರಾಮಾವಿಣೆ ಬಾರಾ ತೆರಾ ಘಂಟೆ ಗಾಡ್ವಾಪರಿಂ ಘೊಳೊನ್

ಆಸಾಂ ಹಾಂವ್ ಸುಕೊ ಸಾಂಬಾಳ್ ಘೆವುನ್.

ರಾವಯ್ತಾತ್ ಎಕೆಕಾ ಕುಡಾಂತ್ ದಾ- ಬಾರಾ ಜಣಾಂಕ್

ಗಾವಾಂತ್ ಗೊಟ್ಯಾಂತ್ ರೆಡ್ಯಾಂಕ್ ಬಾಂದ್ ಲ್ಲೆಪರಿಂ

ಪುರಾಸಾಣ್ ಜಾಲ್ಯಾ ಕುಡಿಕ್ ವಿಶೆವ್ ಘೆಂವ್ಕ್ ಪಾಟ್ ತೆಂಕ್ತಾನಾ

ಆವಾಜ್ ಆಯ್ಕಾತಾ ಗೊರೊವ್ಣೆಚೊ ಗೊಟ್ಯಾಂತ್ ರೆಡೆ ಅಂಬೆಲ್ಲ್ಯಾಪರಿಂ

ಮತಿಚಿ ಪುರಾಸಣ್ ಕಾಡುಂಕ್ ಸಾಂಗಾತ್ ಘೆಜಯ್ ಪಡ್ತಾ ಸೊರ್ರ್ಯಾಚಿ

ಅಶೆಂ ಆತಾಂ ಘೆವ್ನ್ ಬಸ್ಲಾಂ ಹಾಂವ್ ಬೊತ್ಲ್ ವಿಕಾಚಿ.

ಥೊಡೆ ಪಾವ್ಟಿಂ ಸಾಂಗಾತ್ ಘೆತಾಂವ್ ಫೇಸ್ ಬುಕ್ ಯಾ ವಾಟ್ಸಾಪಾಚಿ

ಸದಾಂ ರಾತಿಂ ಉಶ್ಯಾಂತ್ ದು:ಖಾಂ ಜಿರಯ್ತಾಂ ಚಿಂತುನ್ ಜಿಣಿ ಮ್ಹಜಿ ಗಲ್ಫಾಚಿ

ಮಹಿನ್ಯಾಚ್ಯಾ ಪಯ್ಲ್ಯಾ ಹಪ್ತ್ಯಾಂತ್ ಯೆತಾತ್ ಫೊನಾಂ ಕುಟ್ಮಾದಾರಾಂಚಿ

ಸಾಂಗೊನ್ ರಡ್ತಾತ್ ತಾಂಚಿ ಕಾಣಿ ದು:ಖಾಚಿ,ಮಾಗೊನ್ ಕುಮೊಕ್ ಪಯ್ಶಾಂಚಿ

ಪಯ್ಶೆ ದಿನಾ ತರ್ ಕುಟಾಮ್ ಸಾಂಡೊನ್ ನಾಲಿಸಾಯ್ ಘೆಜಯ್ ಪಡ್ತಾ.

ದಿಲೆ ತರ್ ಅನಿಕೀ ದೊನ್ ವರ್ಸಾಂ ಗಾಡ್ವಾಬರಿ ಘೊಳಜಯ್ ಪಡ್ತಾ.

ಸಯ್ರಿಂ ಧಯ್ರಿಂ ಮ್ಹಣ್ತಾತ್ ಯೆತಾನಾ ಘೆವ್ನ್ ಯೆ ದೋನ್ ತೊಲಾ ಭಾಂಗಾರ್

ಕೊಣಾಕ್ ಕಳಿತ್, ಘಾಲುಂಕ್ ನಾ ಆಮ್ಕಾಂ ಸಮಕಟ್ಟ್ ವಸ್ತುರ್ ಆಂಗಾರ್

ನಾಕಾ ಬಾಬಾ ನಾಕಾ ಮ್ಹಾಕಾ ಹ್ಯಾ ಗಲ್ಫಾಚ್ಯಾ ಪಯ್ಶ್ಯಾಂಚೊ ಸಹವಾಸ್

ವೆತಾಂ ಪಾಟಿಂ ಹಾಂವ್ ವೆತಾಂ ಪಾಟಿಂ ಮ್ಹಜ್ಯಾಚ್ ಮಾಂಯ್ ಗಾಂವಾಂಕ್ ವಾಪಾಸ್.

ಸುರೇಶ್ ಸಲ್ಡಾನ್, ಸಕಲೇಶ್ಪುರ್

**********

Golpache du:kh

fuddarachea svopnnank axeun

ailom hamv golfachi vatt sodhun

foslom hamv golfachea poixeank lobdon

asam atam hamv patalli ujeant lason

sureachi kirnnam dhortek poddchea fuddem utton,

suki bakri - sulemani cha pieun

aramavinne bara tera ghontte gaddvaporim ghollon

asam hamv suko samball ghevun.

Rauytat ekeka kuddant da- bara zonnank

gavant gotteant reddeank band l'leporim

purasann zalea kuddik vixevo gheunko patt tenktana

avaz aikata gorounnecho gotteant redde ombel'leaporim

motichi purasonn kaddunk sangat ghezoi poddta sorreachi

oxem atam gheun boslam hamv botl vikachi.

Thodde pauttim sangat ghetamv fes buk ya vattsapachi

sodam ratim uxeant du:kham jiroitam chintun jinni mhoji golfachi

mohineachea poilea hopteant yetat fonam kuttmadaranchi

sangon roddtat tanchi kanni du:khachi,magon kumok poixanchi

poixe dina tor kuttam' sanddon nalisai ghezoi poddta.

Dile tor oniki don vorsam gaddvabori ghollozoi poddta.

Soirim dhoirim mhonntat yetana gheun ye don tola bhangar

konnak kollit, ghalunk na amkam somokott'tt vostur angar

naka baba naka mhaka hea golfachea poixeancho sohovas

vetam pattim hamv vetam pattim mhojeach mam-i gamvank vapas.

Suresh Saldanha, Sakleshpur