ಮರಣ್ ನಾಂ

ಮೊಗಾ, ತ್ಯಾ ದಿಸಾ ತುಂ ಪರ್ಜಳ್ಳೆಂಯ್ ಚಾಂದ್ನ್ಯಾಚ್ಯಾ ಚಂದ್ರಾ ಪರಿಂ

ಜಶೆಂ ದೀಷ್ಟ್ ಚುಕಾನಾ ಹಜಾರಾನಿಂ ನೆಕತ್ರಾಂ ಆಸ್ಲ್ಯಾರ‍್ಯ್ ಸೆಜಾರಿಂ

ಘಡಿಯೆ ಭಿತರ್ ಕಾಳಿಜ್ ಹೆಂ ಮ್ಹಜೆಂ ತುಜ್ಯಾ ಮೊಗಾರ್ ಪಡ್ಲೆಂ

ಚಿಂತಿನಾಸ್ತಾನಾ ಮ್ಹಜೆಂ ಥಂಯ್ ಅಶೆಂ ಕಶೆಂ ಘಡ್ಲೆಂ?

ರಾತ್ ದೀಸ್ ಮೊಗಾ, ದೆಕೊಂಕ್ ಲಾಗ್ಲೊಂ ತುಜೆಂಚ್ ಸ್ವಪಣ್

ತುಂ ದಿಷ್ಟಿಕ್ ಪಡಾನಾತ್ಲ್ಯಾರ್ ಜಾತಲಿ ಹ್ಯಾ ಕಾಳ್ಜಾಕ್ ಉಬ್ಗೊಣ್

ಮೋಗ್ ತೊ ಮೋಗ್ ಕರ್ತಲ್ಯಾಂಕ್ ಮೆಳಯ್ತಾ

ಪುಣ್, ಸುರ್ವೆರ್ ಹಾಸೊವ್ನ್, ಅಖ್ರೇಕ್ ಕಿತ್ಯಾಕ್ ರಡಯ್ತಾ?

ವಿಸ್ರೊಂಚೆನಾಂ ಕಾಳಿಜ್ ಹೆಂ ಮೊಗಾ ತುಕಾ

ಆದೇವ್ಸ್ ಸಾಂಗ್ಲ್ಯಾರ‍್ಯ್ ತುಂವೆ ಮ್ಹಾಕಾ

ಜಿಣಿ ಮ್ಹಜಿ ಜಿಯೆತಲೊಂ ತುಜ್ಯಾ ಉಗ್ಡಾಸಾನ್

ನ್ಹಯ್ ರಡೊನ್, ಬಗಾರ್ ಹಾಸೊನ್ ಖೆಳುನ್

ಆತಾಂ ಸಾಂಗುಂ ಹಾಂವ್ ಕಿತೆಂ ತುಜೆ ವಿಶಿಂ

ಉತ್ರಾಂ ನಾಂತ್ ಮ್ಹಜೆ ಸರ್ಶಿಂ

ಜಿಣ್ಯೆಂತ್ ತುಜ್ಯಾ ಆಸುಂದಿ ಸದಾಂ ಖುಶಿ

ಜಾವ್ನಾಸಾ ಆಶಾ ಮ್ಹಜ್ಯಾ ಮಾಗ್ಣ್ಯಾಚಿ!

ಅಶೋಕ್ ಡಾಯಸ್, ಬೈಂದೂರ್

*****************

moronn nam

moga, tea disa tum porzoll'llem-i chandneachea chondra porim

zoxem dixtt chukana hozaranim nekotram aslearo‍y sezarim

ghoddie bhitor kalliz hem mhojem tujea mogar poddlem

chintinastana mhojem thoim oxem koxem ghoddlem?

rat dis moga, dekonk laglom tujench svoponn

tum dixttik poddanatlear zatoli hea kallzak ubgonn

mog to mog kortoleank melloita

punn, surver hasoun, okhrek kiteak roddoita?

visronchenam kalliz hem moga tuka

adeus sanglearo‍y tumve mhaka

jinni mhoji jietolom tujea ugddasan

nhoi roddon, bogar hason khellun

atam sangum hamv kitem tuje vixim

utram nant mhoje sorxim

jinnyent tujea asundi sodam khuxi

zaunasa axa mhojea magnneachi!

Ashok Dais, Byndoor