ಪೊಕ್ರಿ ಚೆಡುಂ

ತಾಂಬ್ಶ್ಯಾ ವೊಂಟಾಚೆಂ ತೆಂ ಸೊಭಿತ್ ನಿಳ್ಶ್ಯಾ ದೊಳ್ಯಾಂಚೆಂ

ಸ್ವಪ್ಣಾಂತ್ ಮ್ಹಾಕಾ ಧೊಸ್ಚೆಂ ತಾಚೆಂ ಕಾಮ್ ಸದಾಂಚೆಂ

ಪೊಕ್ರಿಪಣಾನ್ ಮ್ಹಾಕಾ ಚಿಡಾವ್ನ್ ಘಾಲ್ತಾ ಉಡ್ಕಾಣಾಂ

ಸೊಭಾಯ್ ತಾಚಿ ವರ್ಣುಂ ಕಶಿ ಚೆಡುಂ ತೆಂ ಅಪುರ್ಬಾಯೆಚೆಂ

ನೀದ್ ಮ್ಹಜಿ ಧಾಂವೊನ್ ವೆತಾ ತಾಚೆಂ ರುಪ್ಣೆಂ ಚಿಂತಾನಾ

ತಾಚಾ ಮೊಗಾಕ್ ಲಬ್ದೊನ್ ಮ್ಹಜೆಂ ಕಾಳಿಜ್ ಘಾಲ್ತಾ ಉಡ್ಕಾಣಾಂ

ಸ್ವಪ್ಣಾಂನಿಂಚ್ ವೆಂಗೆಂತ್ ಘೆತಾ ಮ್ಹಾಕಾ ಪಿಶ್ಯಾರ್ ಘಾಲುನ್

ಘಡಿಯೆನ್ ನಪಂಯ್ಚ್ ಜಾತಾ ಹಾವೆಂ ದೊಳೆ ಉಗ್ತೆ ಕರ್ತಾನಾ

ಸ್ವಪ್ಣಾಂತ್ ಮ್ಹಾಕಾ ದೊಸ್ತಾಯ್ ಕಿತ್ಯಾಕ್ ತುಂ ಮ್ಹಜಿ ಜಿಣಿ ಜಾವ್ನ್ ಯೇ

ಮರ್ತಾ ಪರ್ಯಾಂತ್ ತುಜೊ ಮೋಗ್ ಕರ್ತಾಂ ಮ್ಹಜಿ ರಾಣಿ ಜಾವ್ನ್ ಯೇ

ತುಜ್ಯಾ ಯೆಣ್ಯಾಕ್ ಕಾಳ್ಜಾಂತ್ ಬಾಂಧ್ಲಾಂ ಹಾವೆಂ ಏಕ್ ರಾವ್ಳೆರ್

ಮ್ಹಜೆಂ ನಾಂವ್ ತುಕಾ ದೀಂವ್ಕ್ ಆಶೆತಾಂ ಮ್ಹಜಿ ಪತಿಣ್ ಜಾವ್ನ್ ಯೇ

ಪೊಕ್ರಿ ಕರ್ಚಾ ಚೆಡ್ವಾ ಮ್ಹಜ್ಯಾ ತುಕಾ ಹಾಂವ್ ಕಶೆಂ ಸೊಡುಂ?

ಸ್ವಪ್ಣಾಚ್ಯಾ ಗೊಂಟೆರಾ ಥಾವ್ನ್ ತುಕಾ ಭಾಯ್ರ್ ವೋಡ್ನ್ ಕಶೆಂ ಹಾಡುಂ?

ವಚನಾಕಾಗೋ ಕೆದಿಂಚ್ ತುಂ ಮ್ಹಜೆಥಾವ್ನ್ ಪಯ್ಸ್

ಮ್ಹಾಕಾ ಧೊಸ್ಚೆಂ ಮ್ಹಜ್ಯಾ ಮೊಗಾಚೆಂ ಎಕ್ಲೆಂಚ್ ತುಂ ಮ್ಹಜೆಂ ಪೊಕ್ರಿ ಚೆಡುಂ.

ಜೀವನ್ ಜಾನ್ಸನ್, ಕೊಪ್ಪ

**********

Pokri cheddum

tambxea vonttachem tem sobhit nillxea dolleanchem

svopnnant mhaka dhoschem tachem kam' sodanchem

pokriponnan mhaka chiddaun ghalta uddkannam

sobhai tachi vornnum koxi cheddum tem opurbayechem

nid mhoji dhamvon veta tachem rupnnem chintana

tacha mogak lobdon mhojem kalliz ghalta uddkannam

svopnnamninch vengent gheta mhaka pixear ghalun

ghoddien nopomych zata havem dolle ugte kortana

svopnnant mhaka dostai kiteak tum mhoji jinni zaun ye

morta poreant tuzo mog kortam mhoji ranni zaun ye

tujea yenneak kallzant bandhlam havem ek rauller

mhojem namv tuka diunko axetam mhoji potinn zaun ye

pokri korcha cheddva mhojea tuka hamv koxem soddum?

svopnnachea gonttera thaun tuka bhair voddn koxem haddum?

vochonakago kedinch tum mhojethaun pois

mhaka dhoschem mhojea mogachem eklench tum mhojem pokri cheddum.

Jeevan Johnson, Koppa