ಭಾಸಾಯ್‍ಲ್ಲೊ ಗಾಂವ್

ದೆವಾ ಬಾಪಾಚಿಂ ಬೆಸಾಂವಾಂ ಘೆವ್ನ್

ಚೋರ್ ಎಜೆಂಟಾಕ್ ಪೈಶೆ ಖಾವವ್ನ್

ಘರ್, ಭಾಂಗಾರ್ ಬ್ಯಾಂಕಾಂನಿ ಆಡವ್ ದವರ್ನ್

ಪಾವ್ಲ್ಯಾಂವ್ ಕಶೆಂಯ್ ತರಿ ಇಸ್ರಾಯೆಲಾಕ್ ಯೇವ್ನ್

ಕಾಮ್ ಸರ್ವಾಂಕ್ ಎಕ್‍ಚ್, ಪಳೆಂವ್ಕ್ ಪಿಡೆಸ್ತಾಂಕ್

ವೊಗೊ ರಾವಾಜೆ ಪಡ್ತಾ, ತಾಂಚ್ಯಾ ಮಾರಾಂಕ್, ಬುರ‍್ಶ್ಯಾ ಗಾಳಿಯಾಂಕ್

ಆಸಾ ಹಾಂಗಾ ಉಣೆಂಪಣ್, ನಿದೆಕ್, ಖಾಣಾಕ್, ಜೆವ್ಣಾಕ್

ಕಷ್ಟ್ ಕಳಿತ್ ಜಾತೆಲೆ, ಹಾಂಗಾ ಯೇವ್ನ್ ಭೊಗ್‍ಲ್ಲ್ಯಾಂಕ್

ನರ್ಸ್, ಟೀಚರ್, ಇಜ್ನೆರ್ ಆನಿಂ ಕುಜ್ನೆರ್

ಪಾವ್ಲ್ಯಾತ್ ಹಾಂಗಾ, ವಕೀಲ್ ಆನಿಂ ದಾಕ್ತೆರ್

ಜಾಣಾಂತ್ ತಿಂ ಫಕತ್ತ್ ’ಮಾನ್’ ಜಿವಿತಾಕ್ ದಿನಾಂ ಜಯ್ತ್

ಪಯ್ಶ್ಯಾ ವಿಣೆಂ ಹುಂಗ್ಚೆಂ ನಾಂ ಘರ್ಚೆಂ ಸುಣೆಂ ಸಯ್ತ್

ಕೊಂಕ್ಣೊ ಆನ್ಯೇಕಾ ಕೊಂಕ್ಣ್ಯಾಕ್ ಚ್ಚ್ ಲುಟ್ತಾ

ಹೆಂ ಏಕ್ ಮಾತ್ರ್ ಹಾಂಗಾ ಪಳೆಂವ್ಕ್ ಮೆಳ್ತಾ

ಕೊಡ್ಯಾಳ್‍ಗಾರಾಂ ಆಮಿಂ ಬುದಿನ್ ಕುರ್ಲ್ಯಾಂಪರಿಂ

ಜಾಲ್ಯಾರಿ ಜಾಯ್ತಿಂ ಮನ್ಶಾಂ ಹಾಂಗಾ ಆಸಾತ್ ಮನಾಂತ್ ಬರಿಂ

ಗಾವಾಂತ್ ಮೆಳ್ಳೆಂ ಆಯ್ಕೊಂಕ್ ಜಾಯ್ತೆ ಪಾವ್ಟಿಂ

ಇಸ್ರಾಯೆಲ್ ಜಿಯೆತಲ್ಯಾಂಚಿ ಜಿಣಿ ಜಾಲ್ಯಾ ಮುಣ್ ಖೊಟಿ

ಸಾಂಗಾ ಮುಕಾರ್ ರಾವೊನ್ ಎಕ್‍ಚ್ ಎಕ್ ಪಾವ್ಟಿಂ

ಉರ್ಚಿ ನಾಂ ತಿ ಜೀಬ್ ಉಲೊಂವ್ಕ್ ದುಸ್ರೆ ಪಾವ್ಟಿಂ

ಮಾರ್ತಾ ಬೊಬ್ ಯಾಜಕ್, ವೆದಿರ್ ಥಾವ್ನ್

ಭಾಯ್ರ್ ಯೆಯಾ ಲೊಕಾಂಒ, ಸಂಯ್ಬಿಕ್ ಪಾತ್ಕಾಂ ಥಾವ್ನ್

ಫಾದರ್, ಅಸ್ಕತ್ ನಂಯ್ಗಿ ಹೆಂ ಮನ್ಶಾ ಸಂಯ್ಬ್

ಫಾಯ್ದೊ ನಾಂ ತುಮಿಂ ಶೆರ್ಮಾಂವ್ ದಿಂವ್ನ್ ಲಾಂಬ್

ಹಾಂಗಾ ಆಸಾ ಜಾಯ್ತೊ ಸಂಬಂಧ್ ಬರೊ

ಆವಯ್, ಪುತ್, ಆನಿಂ ಭಾವಾಂ, ಭಯ್ಣಿಂ ಮದ್ಲೊ

ಕೊಣಾಚ್ಯಾಗಿ ಪಾತ್ಕಾಂಕ್ ಕೊಣಾಕ್ ಗಿ ವೊಲಾಂವ್ಕ್ ನಜೊ

ಸಗ್ಳ್ಯಾ ಲೊಕಾಂಕ್ ಎಕ್‍ಚ್ ತಾಕ್ಡೆಂತ್ ತುಕುಂಕ್ ನಜೊ

ಇಸ್ರಾಯೆಲ್ ಭಾವ್ ಭಯ್ಣಿ, ತುಮ್ಚಿ ಜಿಣಿಂ ವ್ಹರಾ ಮುಂದರುನ್

ದೇವ್‍ಚ್ ತೊ ರಾಕ್ತಲೊ, ಹಾಲ್ತಾನಾಂ ಹೆಂ ಜಿಣ್ಯೆಂ ತಾರುಂ

ವಾಯ್ಟ್ ಚಿಂತಲ್ಯಾಂಕ್ ತೊ ವಾಗ್ ವೆಗಿಂಚ್ ಧರುಂ

ನಿತಳ್ ಮನಾಚ್ಯಾ ಸರ್ವಾಂಕ್ ದೇವ್ ಬರೆಂಚ್ ಕರುಂ

ರೋಶು ಬಾಬಾ, ಬಾರ್ಕುರ್

**********

Bhasai‍l'lo gamv

deva bapachim besamvam gheun

chor ejenttak poixe khauvn

ghor, bhangar beankamni addou dourn

pauleamv koxem-i tori israyelak yeun

kam' sorvank ek‍ch, polleunko piddestank

vogo ravaje poddta, tanchea marank, buro‍xea galliank

asa hanga unnemponn, nidek, khannak, jeunnak

koxtt kollit zatele, hanga yeun bhog‍l'leank

nors, ttichor, ijner anim kujner

pauleat hanga, vokil anim dakter

zannant tim fokot't ’man’ jivitak dinam zoit

poixea vinnem hungchem nam ghorchem sunnem soit

konknno anyeka konknneak chch lutt'ta

hem ek matr hanga polleunko mellta

koddeall‍garam amim budin kurleamporim

zaleari zaitim monxam hanga asat monant borim

gavant mell'llem aikonk zaite pauttim

israyel jietoleanchi jinni zalea munn khotti

sanga mukar ravon ek‍ch ek pauttim

urchi nam ti jib ulounko dusre pauttim

marta bob yazok, vedir thaun

bhair yeya lokamo, somybik patkam thaun

fador, oskot nomygi hem monxa somyb

faido nam tumim xermamv dimvn lamb

hanga asa zaito sombondh boro

auy, put, anim bhavam, bhoinnim modlo

konnacheagi patkank konnak gi volaunko nozo

sogllea lokank ek‍ch takddent tukunk nozo

israyel bhavo bhoinni, tumchi jinnim vhora mundorun

devo‍ch to raktolo, haltanam hem jinnyem tarum

vaitt chintoleank to vag veginch dhorum

nitoll monachea sorvank devo borench korum

Roshu Baba, Barkur