ಪಾರ್ಕಿಂಗ್

ಥಕೊನ್ ಸುಕುಲ್ಲ್ಯಾ ಕುಡಿಕ್

ಎಸಿ ಚಲ್ಚ್ಯಾ ಗಾಡಿಯೆರ್ ಘೆವ್ನ್

ಹೆವ್ಶಿನ್ ತೆವ್ಶಿನ್ ಪಳೆತಾಂ

ಹಾಂವ್, ಪಾರ್ಕಿಂಗ್ ಸೊಧ್ತಾಂ

ಪ್ಯಾರಲಲ್ ಪಾರ್ಕಿಂಕ್ ಕಶ್ಟಾಂಚೆಂ

ದೆಕುನ್ ದುಸ್ರೆಂ ಸೊಧ್ತಾಂ

ರಿವರ್ಸ್ ಜಾಲ್ಯಾರೀ ವ್ಹಡ್ ನಾಂ

ಪುಣ್ ಜಾಯ್ ಜಾತಾನಾ ಮೆಳ್ನಾ

ಆಂಗಲ್ ಪಾರ್ಕಿಂಗ್ ದಿಸ್ಲೆಂ ಮ್ಹಣ್

ಆಕ್ಸಿಲೇಟರ್ ವೆಗಾನ್ ಧಾಂಬ್ತಾಂ

ಯೂ ಟರ್ನ್ ಕಾಡ್ನ್ ಪಾವ್ತಾನಾಂ

ಅನ್ಯೆಕ್ಲೊ ಮ್ಹಜ್ಯಾಕೀ ಪಯ್ಲೆಂ ಪಾವ್ತಾ

ಏಕ್ ಪಾರ್ಕಿಂಗ್ ಖಾಲಿ ಆಸಾ

ಪುಣ್ ಜಾಗೊ ಭಾರಿಚ್ ಬಾರಿಕ್

ಡೋರ್ ಕಾಡುಂಕ್ ಜಾತಾತ್ ಕಶ್ಟ್

ಮುಕಾರ್ ಆಸಾಗೀ ಅನ್ಯೇಕ್?

ಸಗ್ಳೆಂ ಪಾರ್ಕಿಂಗ್ ಭರ್ತಿ ಜಾಲಾಂ

ಸೊಧ್ನೆಕ್ ನಾಂ ಆನಿ ಆರ್ಥ್

ಕಶ್ಟಾನಿಂ ಗಾಡಿ ಚಡ್ಲಿ ವಯ್ರ್

ಆಜ್‌ಯೀ ಫುಟ್‌ಪಾತ್‌ಚ್ ಗತ್

ಕಿರಣ್ ನಿರ್ಕಾಣ್

………………

Parking

thokon sukul'lea kuddik

esi cholchea gaddier gheun

heuxin teuxin polletam

hamv, parking sodhtam

pearolol parkink koxttanchem

dekun dusrem sodhtam

rivors zaleari vhodd nam

punn zai zatana mellna

angol parking dislem mhonn

aksilettor vegan dhambtam

yu ttorn kaddn pautanam

onyeklo mhojeaki poilem pauta

ek parking khali asa

punn zago bharich barik

ddor kaddunk zatat koxtt

mukar asagi onyek?

sogllem parking bhorti zalam

sodhnek nam ani arth

koxttanim gaddi choddli voir

az‌yi futt‌pat‌ch got

Kiran Nirkan

……………..

पार्किंग

थकोन सुकुल्ल्या कुडीक

एसी चल्च्या गाडियेर घेवन

हेवशीन तेवशीन पळेतां

हांव, पार्किंग सोधतां

प्यारलल पार्किंक कश्टांचें

देकून दुस्रें सोधतां

रिवर्स जाल्यारी व्हड नां

पूण जाय जाताना मेळना

आंगल पार्किंग दिसलें म्हण

आक्सिलेटर वेगान धांबतां

यू टर्न काडन पावतानां

अन्येकलो म्हज्याकी पयलें पावता

एक पार्किंग खाली आसा

पूण जागो भारीच बारीक

डोर काडुंक जातात कश्ट

मुकार आसागी अन्येक?

सगळें पार्किंग भर्ती जालां

सोधनेक नां आनी आर्थ

कश्टानीं गाडी चडली वयर

आज‌यी फूट‌पात‌च गत

किरण निर्काण