ಕಿರಣ್ ನಿರ್ಕಾಣಾಕ್ 2024 ವ್ಯಾ ವರ್ಸಾಚೊ ಲಿಯೋ ರೊಡ್ರಿಗಸ್ ಕುಟಮ್ ಕಿಟಾಳ್ ಯುವ ಪುರಸ್ಕಾರ್

ಕಿರಣ್, ನಿರ್ಕಾಣ್ ಲಿಕ್ಣೆನಾಂವಾನ್ ಬರಂವ್ಚೊ ಭರ್ವಶ್ಯಾಚೊ ಯುವ ಬರಯ್ಣಾರ್ ಫ್ಲೋಯ್ಡ್ ಕಿರಣ್ ಮೊರಾಸ್ ಹಾಕಾ 2024 ವ್ಯಾ ವರ್ಸಾಚ್ಯಾ ‘ಶ್ರೀ ಲಿಯೋ ರೊಡ್ರಿಗಸ್ ಕುಟಮ್ ಕಿಟಾಳ್ ಯುವ ಪುರಸ್ಕಾರಾ’ಕ್ ವಿಂಚುನ್ ಕಾಡ್ಲಾಂ. ಉದ್ಯಮ್ ಆಡಳ್ತ್ಯಾಂತ್ ಸ್ನಾತಕ್ ಶಿಕಪ್ ಜೋಡ್ನ್ ಪ್ರಸ್ತುತ್ ದುಬಂಯ್ತ್ ವಾವ್ರಾರ್ ಆಸ್ಚ್ಯಾ ಕಿರಣಾನ್ ಸಾಂ. ಲುವಿಸ್ ಪರಿಗಣಿತ್ ವಿಶ್ವವಿದ್ಯಾಲಯಾಚ್ಯಾ ಕೊಂಕ್ಣಿ ಸಂಸ್ಥ್ಯಾ ಥಾವ್ನ್ ಕೊಂಕ್ಣಿ ಪದ್ಯುತ್ತರ್ ಶಿಕಪ್ ಜೊಡ್ಲಾಂ. ಹ್ಯಾ ಶಿಕ್ಪಾಖಾತಿರ್ ತಾಣೆ ಮಾಲ್ಗಡೊ ಕೊಂಕ್ಣಿ ಕಾಣಿಯಾಂಗಾರ್ ವಲ್ಲಿ ವಗ್ಗ ಹಾಚ್ಯಾ ಕಾಣಿಯಾಂನಿ ಪ್ರಕೃತಿಚೆಂ ಚಿತ್ರಣ್ ವಿಶಯಾಚೆರ್ ಪ್ರಬಂದ್ ಮಂಡನ್ ಕರುನ್ ತಿಸ್ರೆಂ ರ‍್ಯಾಂಕ್ ಜೊಡ್ಲಾಂ. ಪಾಟ್ಲ್ಯಾ ದಿಸಾಂನಿ ತಾಣೆ ಬರಯಿಲ್ಲ್ಯಾ ಬಾಳ್‌ಕವಿತೆಂಚೊಂ ಸಂಗ್ರಹ ನಕ್ತಿರಾಂ ಕವಿತಾ ಪಬ್ಲಿಕೇಶನ್ಸ್ ಹಾಣಿ ಉಜ್ವಾಡಾಯ್ಲಾ. ಕವಿತಾ ಆನಿ ಪ್ರಬಂದ್ ತಾಕಾ ಆಂವಡ್ತೆ ವಿಶಯ್ ಜಾವ್ನಾಸೊನ್, ಗಲ್ಫಾಂತ್ ಜಾಂವ್ಚ್ಯಾ ಸಾಹಿತಿಕ್ ಆನಿ ಸಾಂಸ್ಕ್ರುತಿಕ್ ಕಾರ್ಯಕ್ರಮಾಂ ವಿಶ್ಯಾಂತ್ ತೋ ವರ್ದ್ಯೊ ಪಾಟಂವ್ಚೆಂ ಕಾಮ್‌ಯೀ ಕರ್ತಾ. ನ್ಯೂಸ್ ಕರ್ನಾಟಕ ಮಾದ್ಯಮ್ ಸಂಸ್ಥ್ಯಾ ಖಾತಿರ್ ವಿಡಿಯೊ ಕಾರ್ಯಕ್ರಮಾಂ ಚಲವ್ನ್ ವರ್ತಾ.  ಆರ್ಸೊ ಪತ್ರಾರ್ ಸರಾಗ್ ತಾಚೆಂ ಅಂಕಣ್ ಫಾಯ್ಸ್ ಜಾತೇ ಆಸಾ.

ನಿರ್ಕಾಣ್ಚೆಂ ಕೀರ್ಣ್ ಪತ್ರಾಚೊ ಸಂಪಾದಕ್ ಆನಿ ಆಮ್ಚೊ ಯುವಕ್ ಪತ್ರಾಚ್ಯಾ ಸಂಪಾದಕೀಯ್ ಮಂಡಳೆಚೊ ಸಾಂದೊ ಜಾವ್ನ್ ತಾಣೆ ಸೆವಾ ದಿಲ್ಯಾ. ಪ್ರಸ್ತುತ್ ಆಂಕ್ರಿ ಜಾಳಿಜಾಗ್ಯಾಚಾ ಸಂಪಾದಕೀ ಮಂಡಳೆಚೊ ಸಾಂದೊ ಜಾವ್ನ್ ಸೆವಾ ದೀವ್ನ್ ಆಸಾ.  

ಕರ್ನಾಟಕ ಅನಿವಾಸಿ ಭಾರತೀಯಾಂಚಿಂ ಸಮಿತಿ, ಯುಎಇ ಹಾಛೊ ಕಾರ್ಯಾಳ್ ಸಾಂದೊ ಜಾವ್ನಾಸ್ಚೊ ತೋ ರಗತ್ ದಾನ್ ಕರ್ಚೆ ವಿಶ್ಯಾಂತ್ ಜಾಗೃತಿ ಅಭಿಯಾಂನಿ ವಾಂತೊ ಘೆತಾ ಆನಿ ಆಜ್ ಮೆರೆನ್ 38  ಪಾವ್ಟಿಂ ತಾಣೆ ರಗತ್ ದಾನ್ ಕೆಲಾಂ. ಏಕ್ ಸಂಘಟಕ್ ಜಾವ್ನ್ ಗೀತ್ - ಗಜಾಲ್  ಪಂಗ್ಡಾಂತ್ ಕಾರ್ಯಾಳ್ ಸಾಂದೊ ಜಾವ್ನ್ ಕವಿ ವಿಲ್ಸನ್ ಕಟೀಲ್ ಆನಿ ಕವಿ ಮೆಲ್ವಿನ್ ರೊಡ್ರಿಗಸ್ ಹಾಂಚೆ ಸಾಂಗಾತಾ ಗೀತ್ ಗಜಾಲ್ ದೋನ್ ಆವೃತ್ತ್ಯೊ ಮಾಂಡುನ್ ಹಾಡ್ಚ್ಯಾಂತ್ ತಾಚೊ ಮೊಟೊ ವಾವ್ರ್ ಆಸಾ. ಹ್ಯಾ ಭಾಯ್ರ್ ಗಲ್ಫಾಂತ್ ಬಹುಭಾಷಿಕ್ ಕವಿಗೋಷ್ಠಿ ಮಾಂಡುನ್ ಹಾಡ್ಚ್ಯಾಂತ್ ತೋ ವಾವುರ್ಲಾ.

ಅಬುದಾಬಿಚೊ ಅನಿವಾಸಿ ಉದ್ಯಮಿ ಆನಿ ಕೊಂಕಣಿ ಸಮರ್ಥಕ್ ಮಾನೆಸ್ತ್ ಲಿಯೋ ರೊಡ್ರಿಗಸ್ ಆಪ್ಲ್ಯಾ ಕುಟ್ಮಾ ತರ್ಫೆನ್ 2012  ಪಾಸುನ್  ಯುವಬರಯ್ಣಾರಾಂಕ್ ಪ್ರೋತ್ಸಾಹ್ ದಿಂವ್ಚ್ಯಾ ಎಕೀನ್ ಉದ್ದೇಶಾನ್ ಕಿಟಾಳ್ ಯುವ ಪುರಸ್ಕಾರ್ ದಿತೇ ಆಸಾ. ಪುರಸ್ಕಾರ್ ನಗ್ದೆನ್ ರುಪಯ್  25,000/- ಆನಿ ಸ್ಮರಣಿಕಾ ಆಟಾಪುನ್ ಆಸಾ. ಹ್ಯಾ ಆದಿಂ ಬಾ| ಜೊ.ಸಿ. ಸಿದ್ದಕಟ್ಟೆ, ವಿಲ್ಮ ಬಂಟ್ವಾಳ್, ಸ್ಟ್ಯಾನಿ ಬೆಳಾ, ಮೆಲ್ವಿನ್ ಕೊಳಾಲ್‌ಗಿರಿ, ವಿಲ್ಸನ್ ಕಟೀಲ್, ರೋಶು ಬಜ್ಪೆ, ಕ್ಲೈವ್ ಸೊಜ್ ಬೊಳಿಯೆ - ಹಾಂಕಾಂ ಲಿಯೊ ರೊಡ್ರಿಗಸ್ ಕುಟಮ್ ಯುವ ಪುರಸ್ಕಾರ್ ಫಾವೊ ಜಾಲ್ಲೊ ಆಸಾ.

ಸನ್ವಾರಾ, ಅಕ್ಟೋಬರ್ 5 ವೆರ್ ಸಾಂಜೆಚ್ಯಾ 7.00 ವ್ಹರಾಂಚೇರ್ , ಹಂಪನಕಟ್ಟೆ ಎಂ.ಸಿ.ಸಿ. ಬ್ಯಾಂಕಾಚ್ಯಾ ಫಿ. ಎಫ್. ಎಕ್ಸ್. ಸಲ್ಡಾನ್ಹಾ ಸಭಾಗೃಹಾಂತ್ ಪ್ರಶಸ್ತಿಯನ್ನು  ಪ್ರಧಾನ್ ಕಾರ್ಯೆಂ ಚಲ್ತಲೆಂ. ಕರ್ನಾಟಕ್ ವಿದಾನ್ ಪರಿಶದೆಚೊ ಶಾಸಕ್ ಮಾನೆಸ್ತ್ ಐವನ್ ಡಿ ಸೊಜಾ ಆನಿ  ಎಂ.ಸಿ.ಸಿ. ಬ್ಯಾಂಕಾಚೊ ಅಧ್ಯಕ್ಷ ಮಾನೆಸ್ತ್ ಅನಿಲ್ ಲೋಬೊ ಕಾರ್ಯಾಕ್ ಮುಕೆಲ್ ಸಯ್ರೆ ಜಾವ್ನ್ ಹಾಜರ್ ಆಸ್ತಲೆ.

..........................

Kiran Nirkannak 2024 vea vorsacho Leo Rodrigues kuttom' Kittall yuvo puroskar

Kiran Nirkan liknnenamvan boromvcho bhorvoxeacho yuvo boroinnar Floyd Kiran Moras haka 2024 vea vorsachea ‘xri Leo Rodrigues kuttom' Kittall yuvo puroskara’k vinchun kaddlam. Udyom' addollteant snatok xikop zoddn prostut Dubaiyant vaurar aschea Kiranan St Aloysius porigonnit vixvovidealoyachea Konknni somsthea thaun konknni podyut'tor xikop zoddlam. Hea xikpakhatir tanne malgoddo konknni kanniangar Vally Vogga hachea kanniamni prokritichem chitronn vixoyacher probond monddon korun tisrem ro‍eank zoddlam. Pattlea disamni tanne boroyil'lea ball‌kovitenchom songroho Nakthiram Kavita poblikexons hanni ujvaddaila. Kavita ani probond taka amvoddte vixoi zaunason, golfant zamvchea sahitik ani samskrutik karyokromam vixeant to vordeo pattomvchem kam'‌yi korta. News Karnataka madyom' somsthea khatir viddio karyokromam choloun vorta.  Arso potrar sorag tachem onkonn fais zate asa.

Nirkanchem Keern potracho sompadok ani Amcho Yuvak potrachea sompadoki-i monddollecho sando zaun tanne seva dilea. Prostut Aankri zallizageacha sompadoki monddollecho sando zaun seva diun asa.  

Karnataka Non Residents Indians Association, UAE hachho kareall sando zaunascho to rogot dan korche vixeant zagriti obhiamni vanto gheta ani az meren 38  pauttim tanne rogot dan kelam. Ek songhottok zaun Geeth – Ghazaal pongddant kareall sando zaun kovi Wilson Kateel ani kovi Melvyn Rodrigues hanche sangata Geeth – Ghazaal don aurit'teo manddun haddcheant tacho motto vaur asa. Hea bhair golfant bohubhaxik kovigoxtthi manddun haddcheant to vavurla.

Abudhabicho onivasi udyomi ani Konkani somorthok manest Leo Rodrigues aplea kuttma torfen 2012 pasun yuvoboroinnarank protsah dimvchea ekin ud'dexan Kittall yuvo puroskar dite asa. Puroskar nogden rupoi 25,000/- ani smoronnika attapun asa. Hea adim JoCy Siddakatte, Wilma Bantwal, Stany Bela, Melwyn Kolalgiri, Wilson Kateel, Roshu Bajpe, and Clive D’ Souza - hankam Leo Rodrigues kuttom' yuvo puroskar favo zal'lo asa.

Sonvara, October 5 ver sanjechea 7.00 vhorancher, Hampankatta MCC Bankachea P F X Saldanha sobhagrihant proxostiyon'nu prodhan karyem choltolem. Karnataka vidan porixodecho xasok manest Ivan D’Souza ani MCC Bankacho odhyokxo manest Anil Lobo kareak mukel soire zaun hazor astole.

.......................................

किरण निर्काणाक २०२४ व्या वर्साचो लियो रोड्रिगस कुटम किटाळ यूव पुरसकार

किरण, निर्काण लिकणेनांवान बरंवचो भर्वश्याचो यूव बरयणार फ्लोयड किरण मोरास हाका २०२४ व्या वर्साच्या ‘श्री लियो रोड्रिगस कुटम किटाळ यूव पुरसकारा’क विंचून काडलां. उद्यम आडळत्यांत स्नातक शिकप जोडन प्रसतूत दुबंयत वावरार आसच्या  किरणान सां. लुवीस परिगणीत विश्वविद्यालयाच्या कोंकणी संस्थ्या थावन कोंकणी पद्युत्तर शिकप जोडलां. ह्या शिकपाखातीर ताणे माल्गडो कोंकणी काणियांगार वल्ली वग्ग हाच्या काणियांनी प्रकृतिचें चित्रण विशयाचेर प्रबंद मंडन करून तिस्रें र‍्यांक जोडलां. पाटल्या दिसांनी ताणे बरयिल्ल्या बाळ‌कवितेंचों संग्रह नक्तिरां कविता पबलिकेशन्स हाणी उज्वाडायला. कविता आनी प्रबंद ताका आंवडते विशय जावनासोन, गलफांत जांवच्या साहितीक आनी सांसक्रुतीक काऱ्यक्रमां विश्यांत तो वर्द्यो पाटंवचें काम‌यी कर्ता. न्यूस कर्नाटक माद्यम संस्थ्या खातीर विडियो काऱ्यक्रमां चलवन वर्ता.  आर्सो पत्रार सराग ताचें अंकण फायस जाते आसा.

निर्काणचें कीर्ण पत्राचो संपादक आनी आमचो युवक पत्राच्या संपादकीय मंडळेचो सांदो जावन ताणे सेवा दिल्या. प्रसतूत आंक्री जाळिजाग्याचा संपादकी मंडळेचो सांदो जावन सेवा दीवन आसा.  

कर्नाटक अनिवासी भारतीयांचीं समिती, युएई हाछो काऱ्याळ सांदो जावनासचो तो रगत दान कर्चे विश्यांत जागृती अभियांनी वांतो घेता आनी आज मेरेन ३८  पावटीं ताणे रगत दान केलां. एक संघटक जावन गीत - गजाल  पंगडांत काऱ्याळ सांदो जावन कवी विल्सन कटील आनी कवी मेलवीन रोड्रिगस हांचे सांगाता गीत गजाल दोन आवृत्त्यो मांडून हाडच्यांत ताचो मोटो वावर आसा. ह्या भायर गलफांत बहुभाषीक कविगोषठी मांडून हाडच्यांत तो वावुरला.

अबुदाबिचो अनिवासी उद्यमी आनी कोंकणी समर्थक मानेसत लियो रोड्रिगस आपल्या कुटमा तर्फेन २०१२  पासून  युवबरयणारांक प्रोत्साह दिंवच्या एकीन उद्देशान किटाळ यूव पुरसकार दिते आसा. पुरसकार नगदेन रुपय  २५,०००/- आनी स्मरणिका आटापून आसा. ह्या आदीं बा| जो.सी. सिद्दकट्टे, विल्म बंटवाळ, स्ट्यानी बेळा, मेलवीन कोळाल‌गिरी, विल्सन कटील, रोशू बजपे, क्लैव सोज बोळिये - हांकां लियो रोड्रिगस कुटम यूव पुरसकार फावो जाल्लो आसा.

सन्वारा, अकटोबर ५ वेर सांजेच्या ७.०० व्हरांचेर , हंपनकट्टे एं.सी.सी. ब्यांकाच्या फी. एफ. एक्स. सलडान्हा सभागृहांत प्रशसतियन्नू  प्रधान काऱ्यें चल्तलें. कर्नाटक विदान परिशदेचो शासक मानेसत ऐवन डी सोजा आनी  एं.सी.सी. ब्यांकाचो अध्यक्ष मानेसत अनील लोबो काऱ्याक मुकेल सयरे जावन हाजर आसतले.