Felcy Lobo, Derebail

Felcy Lobo, Derebail ಫೆಲ್ಸಿ ಲೋಬೊ ದೆರೆಬಯ್ಲ್ ಲಿಖ್ಣೆ ನಾಂವಾನ್ ಬರಂವ್ಚಿ ಫೆಲ್ಸಿ ಜೂಲಿಯೆಟ್ ಲೋಬೊ ಜಲ್ಮಾಲ್ಲಿ ಆಲ್ಲಿಪಾದೆ, ಬಂಟ್ವಾಳಾಂತ್ ತರ್ ಪ್ರಸ್ತುತ್ ದೆರೆಬೈಲ್ ಮಂಗ್ಳುರಾಂತ್ ಆಪ್ಲ್ಯಾ ಕುಟ್ಮಾ ಸಂಗಿಂ ವಸ್ತಿ ಕರುನ್ ಆಸಾ. ಇತಿಹಾಸಾಂತ್ ಎಂ.ಎ. ಸನದ್ ಜೊಡ್ಲ್ಯಾ. ಕೊಂಕ್ಣಿ ಡಿಪ್ಲೊಮಾ ಆನಿ ಎಂ.ಎ ಕರುನ್ ಪ್ರಸ್ತುತ್ ಸಾಂ ಲುವಿಸ್ ಹಾಯ್ಸ್ಕೂಲಾಂತ್ ಶಿಕ್ಷಕಿ ಜಾವ್ನ್ ವಾವ್ರ್ ಕರುನ್ ಆಸಾ. 2013 ವ್ಯಾ ಇಸ್ವೆಂತ್ ಥಾವ್ನ್ ಬರಂವ್ಕ್ ಆರಂಭ್ ಕೆಲ್ಲ್ಯಾ ಫೆಲ್ಸಿ ಲೋಬೊನ್ ಕೊಂಕ್ಣಿ ಸಾಹಿತ್ಯಾಂತ್ ಜಾಯ್ತೊ ವಾವ್ರ್ ಕರುನ್ ಎದೊಳ್ 75 ಚ್ಯಾಕಿ ಚಡ್ತಿಕ್ ಕವಿತಾ ಬರಯ್ಲ್ಯಾತ್ ಮಾತ್ರ್ ನಂಯ್ ಆಸ್ತಾಂ "ಗರ್ಜೆ ತೆಕಿದ್ ಗಜಾಲಿ" ನಾಂವಾಂಖಾಲ್ ಲೇಖನಾಂಚೊ ಪುಂಜೊ ಆಟಾಪ್ಚೊ ಎಕ್ ಬೂಕ್ ಪ್ರಗಟ್ ಕೆಲಾ, ಆನಿ 2024 ಜುಲಾಯ್ ಮಹಿನ್ಯಾಂತ್ ತಿಚೊ ಕವಿತಾ ಪುಸ್ತಕ್ "ಪಾಲ್ವಾ ಪೊಂತ್" ಕವಿತಾ ಪಬ್ಲಿಕೇಶನ್ಸ್ ಥಾವ್ನ್ ಮೊಕ್ಳಿಕ್ ಜಾಲಾ. ಕೊಂಕ್ಣಿ ನಾಟಕ್ ಸಭೆನ್ ಚಲಯಿಲ್ಲ್ಯಾ ಸಾಹಿತ್ಯ್ ಸ್ಪರ್ದ್ಯಾಂತ್ ಕವಿತೆಕ್ ಬಹುಮಾನ್, ಫಿರ್ಗಜ್ ಮಟ್ಟಾರ್ ಚಲ್ಲ್ಲ್ಯಾ ಕವಿತಾ, ಲೇಖನ್, ಕಾಣಿಯೊ ಸ್ಪರ್ದ್ಯಾಂನಿ ಇನಾಮಾಂ ತಶೆಂಚ್ ರಾಕ್ಣೊ, ಸೆವಕ್, ಉಜ್ವಾಡ್ ಪತ್ರಾಂನಿ ಚಲಯಿಲ್ಲ್ಯಾ ಸಾಹಿತಿಕ್ ಸ್ಪರ್ದ್ಯಾಂನಿ ತಿಣೆಂ ಬಹುಮಾನಾಂ ಆಪ್ಣಾಯ್ಲ್ಯಾಂತ್. ಕೊಂಕ್ಣಿ ಮಾತ್ರ್ ನಂಯ್ ಆಸ್ತಾಂ ಕನ್ನಡ ಆನಿ ತುಳು ಭಾಸಾಂನಿ ತಿಣೆಂ ಸಾಹಿತ್ಯ್ ರಚುನ್ ತಿಚ್ಯಾ ಜಾಯ್ತ್ಯಾ ವಿದ್ಯಾರ್ಥಿಂಕ್ ಸಾಹಿತ್ಯ್ ರಚನ್ ಕರುಂಕ್ ತಿಣೆಂ ದರಬಸ್ತ್ ಪ್ರೋತ್ಸಾಹ್ ದಿಲಾ. ವಿವಿಧ್ ಪತ್ರಾಂನಿ ತಿಚಿಂ ಬರ್ಪಾಂ ಸರಾಗ್ ಫಾಯ್ಸ್ ಜಾತೆ ಆಸಾತ್. ಸ್ಪರ್ಧ್ಯಾಂಕ್ ಲಾಗೊನ್ ತಿಣೆಂ ಸಭಾರ್ ಕಾಣಿಯೊ, ವಿಡಂಬನಾಂ ತಶೆಂಚ್ ಲಲಿತ್ ಪ್ರಬಂದ್ ಬರಯ್ಲ್ಯಾತ್ ಆನಿ ತೆ ಎದೊಳ್ ಕಳಯಿಲ್ಲ್ಯಾ ಪತ್ರಾಂನಿ ಪಾಯ್ಸ್ ಜಾಲ್ಯಾತ್. ಸಾಹಿತ್ಯಾಚ್ಯಾ ಹರ್ ಪ್ರಕಾರಾಂನಿ ಆಪ್ಲಿ ಆಭಿರುಚ್ ದಾಕಯಿಲ್ಲ್ಯಾ ಫೆಲ್ಸಿ ಲೋಬೊನ್ ತುಳುನಾಡು, ಮದರ್ ತೆರೆಸಾ, ಯುವಶಕ್ತಿ ಆನಿ ಕ್ರಿಸ್ಮಸ್ ಸಂಭ್ರಮ ನಾಂವಾಖಾಲ್ ಚ್ಯಾರ್ ಕನ್ನಡ ನಾಟ್ಕುಳೆ ಬರಯ್ಲ್ಯಾತ್. ಭುರ್ಗ್ಯಾಂಕ್ ಜಾಯ್ತಿಂ ಸಾಹಿತಿಕ್ ಕಾಮಾಸಾಳಾಂ ಆಯೋಜಿತ್ ಕೆಲ್ಲ್ಯಾ ತಿಣೆಂ ತಿಚ್ಯಾ ಇಸ್ಕೊಲಾಚ್ಯಾ ವಾರ್ಷಿಕ್ ಆಂಕ್ಯಾರ್ ಲೇಖನಾಂ, ಫಿರ್ಗಜ್ ಪತ್ರಾಕ್ ಕವಿತಾ, ಲೇಖನಾಂ ತಶೆಂಚ್ ತಿಚ್ಯಾ ಸಂಸ್ಥ್ಯಾಚ್ಯಾ, ಫಿರ್ಗಜ್ ತಶೆಂ ಗಾಂವ್ಚ್ಯಾ ಮಾನ್ ಮನ್ಶ್ಯಾಂಕ್ ಮಾನ್ ಪತ್ರಾಂ ಲಿಖ್ಲ್ಯಾಂತ್. ಫಿರ್ಗಜ್ ಪತ್ರಾಚ್ಯಾ ಸಂಪಾದಕಿ ಮಂಡಳಿಚೊ ಸಾಂದೊ ಜಾವ್ನ್ ವಾವ್ರ್ ದಿಲ್ಲ್ಯಾ ತಿಣೆಂ ತಿಚ್ಯಾ ಶಾಳೆಚ್ಯಾ ಹರ್ಯೆಕ್ ಚಟುವಟಿಕ್ಯಾಂಚಿ ವರ್ದಿ ಬರವ್ನ್ ಪತ್ರಾಂಕ್ ಧಾಡ್ಚಿ ಜವಾಬ್ದಾರಿ ಘೆತ್ಲ್ಯಾ. ಆಕಾಶ್ವಾಣಿ ಮಂಗ್ಳುರ್, ರೇಡಿಯೊ ಸಾರಂಗ್ ಹಾಂತುಂ ಸಭಾರ್ ಉಲೊವ್ಪಾಂ ಆನಿ ಕವಿತಾ ವಾಚನಾಂ ಪ್ರಸಾರ್ ಜಾಲ್ಯಾಂತ್ ಮಾತ್ರ್ ನಂಯ್ ಆಸ್ತಾಂ ಪ್ರಸ್ತುತ್ ರೇಡಿಯೊ ಸಾರಂಗ್ ಹಾಚ್ಯಾ ಬಲೆ ಪಾತೆರ್ಗಾ ತುಳು ಕಾರ್ಯಕ್ರಮಾಂತ್ ಪಾತ್ರ್ ಘೆತೆ ಆಸಾ. ರಾಕ್ಣೊ, ಸೆವಕ್, ಉಜ್ವಾಡ್, ನಮಾನ್ ಬಾಳೊಕ್ ಜೆಜು, ದೈವಿಕ್ ಅಮ್ರತ್ ಮಹಿನ್ಯಾಳೆಂ ತಶೆಂಚ್ www.kavitaa.com, www.kittall.com, www.maibhaas.com, aankrionline.com, Veez Konkani, Poetics [Facebook Group], Kavita Mattov [Facebook Group] ಆಸಲ್ಯಾ ಜಾಳಿ ಜಾಗ್ಯಾಂನಿ ತಿಚಿಂ ಕವಿತಾ ಆನಿ ಲೇಖನಾಂ ಜಾಯ್ತಿಂ ಪ್ರಸಾರ್ ಜಾಲ್ಯಾಂತ್.***********Felcy Lobo, Derebail likhnne namvan boromvchi Felcy Juliet Lobo zolmal'li Allipade, Batwalnth tor prostut Derebail, Manglorenth aplea kuttma songim vosti korun asa. Itihasant M.A. Sonod zoddlea. Konknni ddiploma ani M.A. korun prostut sam Lous haiskulant xikxoki zaun vaur korun asa. 2013 vea isvent thaun borounko arombh kel'lea Felcy Lobo konknni sahiteant zaito vaur korun edoll 75 cheaki choddtik kovita boroileat matr nom-i astam "gorje tekid gozali" namvankhal lekhonancho punzo attapcho ek buk progott kela, ani 2024 zulai mohineant ticho kovita pustok "palva pont" kovita poblikexons thaun mokllik zala. Konknni nattok sobhen choloyil'lea sahity spordeant kovitek bohuman, firgoz mott'ttar chol'llea kovita, lekhon, kannio spordeamni inamam toxench Rakno, Sevak, Uzzwaad potramni choloyil'lea sahitik spordeamni tinnem bohumanam apnnaileant. Konknni matr nom-i astam Kannada ani Tulu bhasamni tinnem sahity rochun tichea zaitea videarthink sahity rochon korunk tinnem dorobost protsah dila. Vividh potramni tichim borpam sorag fais zate asat. Spordheank lagon tinnem sobhar kannio, viddombonam toxench lolit probond boroileat ani te edoll kolloyil'lea potramni pais zaleat. Sahiteachea hor prokaramni apli abhiruch dakoyil'lea Felcy Lobo n tullunaddu, modor teresa, yuvoxokti ani krismos sombhromo namvakhal chear kon'noddo nattkulle boroileat. Bhurgeank zaitim sahitik kamasallam ayojit kel'lea tinnem tichea iskolachea varxik ankear lekhonam, firgoz potrak kovita, lekhonam toxench tichea somstheachea, firgoz toxem gamvchea man monxeank man potram likhleant. Firgoz potrachea sompadoki monddollicho sando zaun vaur dil'lea tinnem tichea xallechea horyek chottuvottikeanchi vordi boroun potrank dhaddch...

Read my bio