"ವಲ್ಲಿ ಬೋಳ" ಮ್ಹಳ್ಳ್ಯಾ ಲಿಖ್ಣೆ ನಾಂವಾಂತ್ ಬರಂವ್ಚೊ ವಲೇರಿಯನ್ ಸಿಕ್ವೇರಾ 1959 ಇಸ್ವೆಂತ್ ಕಾರ್ಕಳ್ ತಾಲೂಕಾಂತ್ಲ್ಯಾ ಬೋಳ ಗಾಂವಾಂತ್ ದೆ. ಮಾರ್ಟಿನ್ ಆನಿ ದೆ. ಎಮಿಲಿಯಾನ್ ಸಿಕ್ವೇರಾ ಹಾಂಚ್ಯಾ ಕೃಷಿ ಕುಟ್ಮಾಂತ್ ಜಲ್ಮಾಲೊ.ಲಗ್ಭಗ್ 40 ವರ್ಸಾಂ ಥಾವ್ನ್ ಕೊಂಕ್ಣಿ, ತುಳು ಆನಿ ಕಾನಡಿ ಭಾಶೆಂತ್ ಬರಯ್ತಾ. ಭಾರತೀಯ್ ತಫಾಲ್ ಇಲಾಖ್ಯಾಂತ್ ಸೆವಾ ದೀವ್ನ್ ಆತಾಂ ನಿವೃತ್ ಜಾವ್ನ್ ಮುಕ್ಕ ಫಿರ್ಗಜೆಂತ್ ವಸ್ತಿ ಕರ್ತಾ. ತಫಾಲ್ ಇಲಾಖ್ಯಾಚ್ಯಾ, ಫಿರ್ಗಜೆಚ್ಯಾ ಆನಿ ಸಾಹಿತಿಕ್ ಸಂಘಟನಾಂನಿ ಸಕ್ರೀಯ್ ಮೆತೆರ್ಪಣ್ ಆನಿ ಮುಖೆಲ್ಪಣಾಚೆ ಶೆಗುಣ್ ರುತಾ ಕೆಲ್ಯಾತ್. ಎದೊಳ್ ಪರ್ಯಾಂತ್ ಕೊಂಕ್ಣೆಂತ್ ಚಾರ್ (ಸಾಂಗ್ಣ್ಯಾ ತುಪೆಂ, ಜಗ್ಲಾಣೆಂ, ಗಾದ್ಯಾಮೆರೆರ್, ಶೆತಾಂ ಭಾಟಾಂ ತೊಟಾಂನಿ) ಆನಿ ತುಳು ಭಾಷೆಂತ್ ಏಕ್ (ಪೂಂಬೆ) ಪುಸ್ತಕ್ ಪರ್ಗಟ್ಲ್ಯಾಂತ್. 2019 ವ್ಯಾ ವರ್ಸಾ ತುಳುಶ್ರೀ ಪ್ರಶಸ್ತಿ ಲಾಭ್ಲ್ಯಾ. ಬುಲೆಕಾಣಿಕೆ ಮ್ಹಳ್ಳೆಂ ತುಳು ಪುಸ್ತಕ್ ಪರ್ಗಟ್ಣೆಕ್ ಆಯ್ತೆಂ ಜಾತೆ ಆಸಾ.

ವ್ಹಡಾ ಹುಮೇದಿನ್ ಆಪ್ಲೊ ಗ್ರೇಸ್ತ್ ಸಾಹಿತಿಕ್ ಆನ್ಭೊಗ್ ಕಾಣ್ಘೇವ್ನ್ ಕೊಂಕ್ಣಿ ಸಾಹಿತ್ಯಾಚಿ ಕ್ರಷಿ ಕರುಂಕ್ ಆಯಿಲ್ಲ್ಯಾ ವಲ್ಲಿ ಬೋಳ ಹಾಂಕಾ ಆಂಕ್ರಿ ಪಂಗಡ್ ಸ್ವಾಗತ್ ಕರ್ತಾ ಆನಿ ತಾಂಚ್ಯಾ ಲಿಖ್ಣೆ ಥಾವ್ನ್ ನಿರಂತರ್ ಸಾಹಿತ್ಯ್ ವ್ಹಳೊನ್ ಪ್ರಸಾರ್ ಜಾಂವ್ದಿ ಮುಣೊನ್ ಆಶೆತಾಂವ್.

…………….

"Vally Bola" mholl'llea likhnne namvant boromvcho Valerian Sequeira1959 isvent Karkala talukantlea Bola gamvant de. Martin ani de. Emilian Sequeira hanchea krixi kuttmant zolmalo.Logbhog 40 vorsam thaun konknni, tullu ani kanoddi bhaxent boroita. Bharoti-i tofal ilakheant seva diun atam nivrit zaun Mukka firgojent vosti korta. Tofal ilakheachea, firgojechea ani sahitik songhottonamni sokri-i meterponn ani mukhelponnache xegunn ruta keleat. Edoll poreant konknnent char (sangnnea tupem, zoglannem, gadeamerer, xetam bhattam tottamni) ani tullu bhaxent ek (pumbe) pustok porgottleant. 2019 vea vorsa tulluxri proxosti labhlea. ‘Bulekannike’ mholl'llem tullu pustok porgottnnek aitem zate asa.

Vhodda humedin aplo grest sahitik anbhog kanngheun konknni sahiteachi kroxi korunk ayil'lea Vally Bola hanka Aankri pongodd svagot korta ani tanchea likhnne thaun nirontor sahity vhollon prosar zamvdi munnon axetamv.

………………

"वल्ली बोळ" म्हळ्ळ्या लिखणे नांवांत बरंवचो वलेरियन सिकवेरा १९५९ इस्वेंत कार्कळ तालूकांतल्या बोळ गांवांत दे. मार्टीन आनी दे. एमिलियान सिकवेरा हांच्या कृषी कुटमांत जल्मालो.लगभग ४० वर्सां थावन कोंकणी, तुळू आनी कानडी भाशेंत बरयता. भारतीय तफाल इलाख्यांत सेवा दीवन आतां निवृत जावन मुक्क फिर्गजेंत वसती कर्ता. तफाल इलाख्याच्या, फिर्गजेच्या आनी साहितीक संघटनांनी सक्रीय मेतेर्पण आनी मुखेल्पणाचे शेगूण रुता केल्यात. एदोळ पऱ्यांत कोंकणेंत चार (सांगण्या तुपें, जगलाणें, गाद्यामेरेर, शेतां भाटां तोटांनी) आनी तुळू भाषेंत एक (पूंबे) पुसतक पर्गटल्यांत. २०१९ व्या वर्सा तुळुश्री प्रशसती लाभल्या. बुलेकाणिके म्हळ्ळें तुळू पुसतक पर्गटणेक आयतें जाते आसा.

व्हडा हुमेदीन आपलो ग्रेसत साहितीक आनभोग काणघेवन कोंकणी साहित्याची क्रषी करुंक आयिल्ल्या वल्ली बोळ हांका आंक्री पंगड स्वागत कर्ता आनी तांच्या लिखणे थावन निरंतर साहित्य व्हळोन प्रसार जांवदी मुणोन आशेतांव.