ಡಾ.ಫ್ಲಾವಿಯಾ ಕ್ಯಾಸ್ಟಲಿನೊ ಲಿಖ್ಣೆನಾಂವಾನ್ ಬೊರೊಂವ್ಚಿ ಡಾ.ಫ್ಲಾವಿಯಾ ಕ್ಯಾಸ್ಟಲಿನೊ ಶಂಕರ್‌ಪುರಾಂತ್ ಜಲ್ಮೊನ್ ಆತಾಂ ಕ್ರೈಸ್ಟ್ ಚರ್ಚ್ ಮಣಿಪಾಲ್ ಹಾಚ್ಯಾ ಪರಿದೆಂತ್ ಯೆಂವ್ಚ್ಯಾ ಆತ್ರಾಡಿಂತ್ ಆಪ್ಲ್ಯಾ ಕುಟ್ಮಾ ಸಂಗಿಂ ವಸ್ತಿ ಕರುನ್ ಆಸಾ. ಆಪ್ಲೆಂ M.Sc. ತಶೆಂಚ್ M.A (Socialogy) ಸಂಪೊವ್ನ್ Philosophy ಂತ್ PHD  ಕರುನ್ ದೊತೊರ್ ಸನದಿ ಆಪ್ಣಾಯ್ಲ್ಯಾ ಆನಿ ಪ್ರಸ್ತುತ್ ಪ್ರೊಪೆಸರ್ ಜಾವ್ನ್ ಆಪ್ಲೊ ವಾವ್ರ್ ದೀವ್ನ್ ಆಸಾ.

ಜಾಯ್ತ್ಯಾ ವರ್ಸಾಂ ಥಾವ್ನ್ ಆಪ್ಲೊ ಸಾಹಿತಿಕ್ ವಾವ್ರ್ ತಿ ಕರುನ್ ಆಸಾ ತರೀ ಆಪ್ಲೆಂ ಶಿಕಾಪ್ ಆನಿ ಕುಟ್ಮಾ ಜವಾಬ್ದಾರ‍್ಯಾಂ ನಿಮ್ತಿಂ ಸಭಾರ್ ವರ್ಸಾಂಚ್ಯಾ ವಿರಾಮಾ ಉಪ್ರಾಂತ್ ಆತಾಂ ತಿಚಿ ಲಿಖ್ಣಿ ಪರ್ತೆಕ್ ಸರಾಗ್ ಝರೊಂವ್ಕ್ ಲಾಗ್ಲ್ಯಾ. ಲಗ್ಭಗ್ 70 ಚ್ಯಾಕಿ ಚಡ್ ಕವಿತಾ ತಿಣೆಂ ಕೊಂಕ್ಣಿ ಆನಿ ಕನ್ನಡ ಭಾಶೆಂನಿ ಎದೊಳ್ ಪರ್ಯಾಂತ್ ಲಿಖ್ಲ್ಯಾಂತ್ ಮಾತ್ರ್ ನಹಿಂ ಆಸ್ತಾಂ ಕವಿತಾ ತರ್ಜುಮೊ ಸಯ್ತ್ ತಿಣೆ ಕೆಲ್ಯಾಂತ್. "ಆಪರಿಮಿತ್ ಮೋಗ್" ನಾಂವಾಂಚೊ ಬೂಕ್ ತಿಚೊ ಪರ್ಗಟ್ ಜಾಲಾ. ಜಾಯ್ತಿಂ ವೈಜ್ಞಾನಿಕ್ ಲೇಖನಾಂ ತಿಣೆಂ ಲಿಖ್ಲ್ಯಾಂತ್. ಉಡುಪಿ ಜಿಲ್ಲಾ ಮಟ್ಟಾರ್ ಚಲ್‍ಲ್ಲ್ಯಾ ಸ್ಪರ್ದ್ಯಾಂತ್ ತಿಣೆಂ ಬಹುಮಾನ್ ಆಪ್ಣಾಯ್ಲಾಂ.

ಕೊಂಕ್ಣಿ ಸಾಹಿತ್ಯ್ ಸಂಸಾರಾಂತ್ ಸ್ತ್ರೀ ಲೇಖಕಿಂಚೊ ಬರ್ಗಾಲ್ ಆಸ್ಚ್ಯಾ ಹ್ಯಾ ಕಾಳಾರ್ ಡಾ.ಫ್ಲಾವಿಯಾ ಹಿಣೆಂ ಪರ್ತೆಕ್ ಲಿಖ್ಣಿ ಧರ್‌ಲ್ಲಿ ಸರ್ವ್ ಸಾಹಿತ್ಯ್ ಆಭಿಮಾನಿಂಕ್ ತಶೆಂಚ್ "ಆಂಕ್ರಿ" ಕ್ ವ್ಹರ್ತ್ಯಾ ಆಭಿಮಾನಾಚಿ ಗಜಾಲ್. ತಿಚೆ ಥಾವ್ನ್ ಉಂಚ್ಲ್ಯಾ ಮಟ್ಟಾಚಿ ಸಾಹಿತಿಕ್ ಕ್ರಷಿ ಜಾಂವ್ದಿ ಮುಣೊನ್ "ಆಂಕ್ರಿ" ಪಂಗಡ್ ಆಶೆತಾ ಆನಿ ತಿಕಾ ಸ್ವಾಗತ್ ಕರುನ್ ಸರ್ವ್ ಬೊರೆಂ ಮಾಗ್ತಾ.

**********

Dr. Flavia Castelino likhnnenamvan boromvchi Dr. Flavia Castelino Shankrapurant zolmon atam Christ King Manipal hachea porident yemvchea Atradint aplea kuttma songim vosti korun asa. Aplem M.Sc. Toxench M.A (Socialogy) sompoun Philosophy nt PHD korun dotor sonodi apnnailea ani prostut propesor zaun aplo vaur diun asa.

Zaitea vorsam thaun aplo sahitik vaur ti korun asa tori aplem xikap ani kuttma zovabdaro‍eam nimtim sobhar vorsanchea virama uprant atam tichi likhnni portek sorag zhorounko laglea. Logbhog 70 cheaki chodd kovita tinnem konknni ani kon'noddo bhaxemni edoll poreant likhleant matr nohim astam kovita torzumo soit tinne keleant. "aporimit mog" namvancho buk ticho porgott zala. Zaitim voigoneanik lekhonam tinnem likhleant. Udupi jil'la mott'ttar chol‍l'lea spordeant tinnem bohuman apnnailam.

Konkani sahithy somsarant stri lekhokincho borgal aschea hea kallar Dr. Flavia hinnem portek likhnni dhor‌l'li sorv sahity abhimanink toxench "Aankri" k vhortea abhimanachi gozal. Tiche thaun unchlea mott'ttachi sahitik kroxi zamvdi munnon "Aankri" pongodd axeta ani tika svagot korun sorv borem magta.